Kúdikti 30 jastaǵy T.esimdi azamat kinásin moıyndaǵan.
Almatylyq polıseıler kólik jýý ornynyń kasasynan aqsha urlaǵan kúdiktini ustady, – dep habarlaıdy Almaty-akshamy.kz Polisia.kz-ke silteme jasap.
Jansúgirov kóshesindegi kólik jýý ornynyń kasasynan 500 myń teńge urlanǵandyǵy týraly qylmystyq is Jetisý aýdandyq PB-ǵa tirkeldi. Osy qylmysty jasady degen kúdikpen 30 jastaǵy T.esimdi azamat ustaldy.
«Jedel-izdestirý sharalarynyń nátıjesinde kúdikti ustaldy. Ol kólik jýý mekemesiniń jumysshylarynyń joqtyǵyn paıdalanyp, 500 myń teńgeni urlaǵany belgili boldy. Aqshany jeke qajettilikterine jumsaǵan. Urlyq bolǵan sát kameralarǵa túsip qalǵan. Kúdiktige qatysty QR QK-niń 188-babynda (Urlyq) boıynsha kózdelgen qylmys belgileri boıynsha qylmystyq is tergelýde. Ol óz isin moıyndady», – dedi Jetisý aýdandyq polısıa basqarmasynyń bastyǵy Jánibek Shynasylov.
QR QK-niń 201 babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77 baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.