Kósheni qardan tazartýǵa 1410 jol jumysshysy jumyldyryldy
Almatyda 29 qańtar kúni saǵat 13.00-de silbi qar jaýa bastady. Kóktaıǵaqtyń aldyn alý maqsatynda qar jaýa salysymen joldarǵa, jol qıylystaryna, kólik aıryqtarynyń qulamalaryna kóktaıǵaqqa qarsy materıaldar sebildi, dep habarlaıdy Almaty-akshamy.kz.
Almaty qalasynyń Turǵyn úı saıasaty basqarmasynyń málimetinshe, saǵat 18.00-degi jaǵdaı boıynsha 23 tonna kóktaıǵaqqa qarsy materıaldar paıdalanyldy.
Trotýarlardy, jaıaý júrginshiler aımaqtaryn, qoǵamdyq kólik aıaldamalaryn jáne basqa da jalpy paıdalaný oryndaryn tazalaýǵa erekshe kóńil bólindi.
619 birlik arnaıy tehnıka, onyń ishinde 203 qumshashqysh jáne 1410 jol jumysshysy jumyldyryldy.
Aýdan ákimdikteri men qala ákimdiginde qar tazalaý jumystarynyń óndirisin baqylaý boıynsha táýlik boıy kezekshilik uıymdastyryldy.
Qazgıdromettiń boljamy boıynsha keshke qaraı qardyń túsýi toqtaıdy. Tańerteń túske deıin azdaǵan jaýyn-shashyn kútiledi. Aýa temperatýrasy túnde -4 gradýsqa deıin, 30 qańtarda kúndiz 0 shamasynda.
