Táýelsiz qoǵamdastyqty tartý qajet
Azamattardyń quqyǵynyń buzylmaýyna múddelimin. «Habar» telearnasyna suhbat bergen Memleket basshysy Qasym-Jomart Toqaev osylaı aıtty, dep habarlaıdy Almaty-akshamy.kz.
«Azamattar alańdaýshylyq tanytýda, ony túsinýge bolady. Sondyqtan men Bas prokýratýraǵa árbir oqıǵa boıynsha tergeý júrgizýdi tapsyrdym. Sonymen qatar buqaralyq aqparat quraldarynan tanymal quqyq qorǵaýshy Aıman Omarovanyń basshylyǵymen qoǵamdyq komısıa qurylǵanyn bildim. Men bul sheshimge qoldaý bildiremin. Shynymen de bizge qazir oryn alyp jatqan, qaıǵyly kúnderi oryn alǵan jaıttardy jan-jaqty anyqtaý úshin táýelsiz qoǵamdastyqty tartý qajet», dedi Memleket basshysy.
Qazaqstan Prezıdenti Adam quqyqtary jónindegi ombýdsmen Elmıra Ázimova, tanymal quqyq qorǵaýshy Jemis Turmaǵambetovalar tergeý oryndaryna baryp, ustalǵandarmen kezdesý ótkizip jatqanyn, olardy ustaý jaǵdaılarymen tanysyp, shaǵymdaryna qulaq asatyndyǵyn basa aıtty.
«Bul óte paıdaly jumys dep sanaımyn. Memleket basshysy retinde azamattardyń quqyqtarynyń buzylmaýyna múddelimin. Árbir jaǵdaı tergelýi tıis», - dedi Qasym-Jomart Toqaev.