Jármeńkege 20-dan astam otandyq baspa mekemesi men kitap dúkenderi qatysty.
Búgin Almatydaǵy Shoqan Ýálıhanov atyndaǵy skver aýmaǵynda jyl saıynǵy «Almaty kitap jármeńkesi» ótti. İs-sharaǵa 25-teı otandyq baspa mekemesi men kitap dúkenderi qatysty. Jármeńke aıasynda merekelik konsert ótip, otandyq ánshiler óner kórsetti, dep habarlaıdy Almaty-akshamy.kz.
Senbiniń tańynda «Ǵylym ordasy» ǵımaratynyń aınalasyna halyq kóp jınaldy. Óıtkeni kitapsúıer qaýym úshin bul shara – úlken mereke.
Kitap jármeńkesiniń negizgi uıymdastyrýshysy Almatydaǵy QR Ulttyq memlekettik kitap palatasy. Mekeme dırektory, Qazaqstannyń baspagerler, polıgrafıster jáne kitap taratýshylar qaýymdastyǵynyń prezıdenti Ádil Qoıtanovtyń aıtýynsha, Ádil Qoıtanovtyń aıtýynsha, kitap jármeńkesi ótken jyldyń mamyr aıynan beri ótkizilip keledi.
Kitap jármeńkesi óte kóńildi ótip jatyr, arnaıy ornatylǵan sahnada ánder shyrqalyp, jıynǵa kelgen jurt túrli kitaptardy tamashalaýda. Merekelik konsertte Madına Sádýaqasova, Kenjebek Janábilov syndy ánshiler óner kórsetti. Negizinen qazaqtildi kitaptar jáne budan bólek orys, nemis, qytaı, aǵylshyn tilderindegi kitaptar da jármeńkege qoıylǵan. Sondaı-aq balalar ádebıeti, oqýlyqtar ensıklopedıalar, sózdikter men tarıhı zertteýler de jeterlik.
Jármeńkege «Atamura», «Mektep», «Qazaq ýnıversıteti», «Almatykitap», «Otbasy hrestomatıasy» sekildi halyqqa keńinen tanymal baspalar qatysty.
«Otbasy hrestomatıasy» qoǵamdyq qorynyń dırektory Baǵdat Qudıarovtyń aıtýynsha, baspa búginge deıin jalpy tırajy 400-den asatyn 40 kitap basyp shyǵarǵan.
«Biz úsh baǵytta jumys isteımiz. Birinshi, bólshevıkter bılikke kelgenge deıin qazaq otbasylarynda qandaı ádebıetterdi tárbıe maqsatynda oqytyldy, muraǵattardan aqparat izdeımiz jáne bir kezderi joıylǵan osy kitaptardy basyp shyǵaramyz. Ekinshi, psıhologıada logoterapıa kiretin úshinshi Vena mektebi bar, Vıktor Frankldiń «Logoterapıa nemese ómirge degen súıispenshilik» ilimi qazaq tiline aýdarylyp, onda otbasyndaǵy problemalardy sheshý týraly aıtylyp, «Mahabbat máni», «Balalyqtan danalyqqa» sıaqty kitaptar jaryq kórdi. Ádebıetimizge suranys artqannan keıin biz arhıvterden álemdik ádebıettiń qazaq tiline alǵashqy aýdarmalaryn izdeı bastadyq. Biz 1928-29 jyldardan bastap aýdarylǵan júz kitaptyń tizimin jasadyq, olar arab jáne latyn grafıkalarynda bir-aq ret jaryq kórdi. Biz 18 kitap shyǵara aldyq. Búgin biz 42 Kitap ataýyn usynamyz, olardy barlyq kitap dúkenderinen satyp alýǵa bolady, biraq mundaı jármeńkeler bizge óte qajet, óıtkeni oqyrmandar bizdiń basylymdar týraly kóbirek bilýge múmkindik alady».
Ádil Qoıtanov, QR Ulttyq memlekettik kitap palatasynyń dırektory:
-«Biz jármeńke ótkizý týraly qala ákimdiginiń mádenıet basqarmasyna ótinish aıttyq. Bastamamyzǵa qoldaý bildirgeni úshin ákimdikke úlken alǵysymyzdy bildiremiz. Byltyrǵy úlken kitap jármeńkesine Qazaqstannan ǵana emes, Qyrǵyzstannan, Ózbekstannan, Reseıden 60-qa jýyq kitap shyǵarýshy qatysty, úsh kún boıy kórme-jármeńke ótkizildi. Barlyq qatysýshylar, baspagerler de, oqyrmandar da bizge alǵystaryn bildirdi. Jármeńkege kelýshiler úshin bul is-shara úlken rýhanı oqıǵa boldy. Jazýshylarmen kezdesýler men qoltańba sesıalary ótkizildi. Osy aýqymdy halyqaralyq jobany bıyl mamyr aıynda jalǵastyrýǵa nıettimiz, al ázirshe kóktemniń kelýin atap ótip, almatylyqtardy qazaqstandyq kitap shyǵarýshylarmen tanystyrǵymyz keletin shaǵyn bir kúndik jármeńke uıymdastyrdyq. Bizdiń jármeńkemizdi ótkizý boıynsha barlyq qarjylyq júktemeni, osy kitap shatyrlaryn, sahna ornatý, ártisterdi shaqyrýdy qala ákimdigi óz moınyna aldy jáne biz olarǵa kómegi úshin óte rızamyz. Árbir baspagerdiń kitaptardy dúkenderde satýǵa múmkindigi joq, bireý olardy keńselerde, ınternet arqyly satady, biraq bul jetkiliksiz. Osy sıaqty jármeńkelerdiń arqasynda oqyrmandar olar týraly kóbirek bilip, kitap satyp alady. Keńes zamanynda qazaq tilindegi kitaptardyń tapshylyǵy boldy, qazir suranys óte joǵary, sondyqtan kóptegen basylymdar memlekettik tilde shyǵady, olardyń mazmuny men resimdelýi óte jaqsy. Biraq bizde basqa da tilder bar: orys, aǵylshyn, uıǵyr, jazýshylar jazady. Kez kelgen kitap shyǵarýshy bizdiń qaýymdastyqqa qosylyp, jármeńkelerge tegin qatysa alady. Tipti óz esebinen kitap shyǵaratyn avtorlar úshin biz ótken jylǵy jármeńke kezinde jeke shatyr bóldik. Onda olar óz jazbalaryn júzege asyrdy, oqyrmandarǵa qoltańba taratty. Mundaı múmkindik olarǵa mamyr jármeńkesinde beriledi».
