Almatyda alaıaq qamaýǵa alyndy
Sybaılas jemqorlyqqa qarsy qyzmet memlekettik organdardyń qyzmetine baılanysty qandaı da bir máseleni sheshý syltaýymen alaıaqtyqtyń, onyń ishinde para berýge ıtermeleýmen ushtasqan alaıaqtyqtyń jalǵasyp jatqan jaǵdaılaryna nazar aýdarady, dep habarlaıdy almaty-akshamy.kz
Almaty qalasy boıynsha Sybaılas jemqorlyqqa qarsy qyzmet departamenti 1986 jyly týǵan qala turǵynyna qatysty qylmystyq isti tergeýde. Ol ózin quqyq qorǵaý organdarynyń qyzmetkeri, joǵary laýazymdy sheneýnikterdiń kómekshisi retinde tanystyryp, ártúrli máselelerdi sheshý boıynsha óz qyzmetterin usynǵan.
Sondaı-aq, aldaý jáne senimdi teris paıdalaný arqyly azamattardyń múlkin asa iri kólemde jymqyrǵan. Aqshalaı qarajat memlekettik organdarda oń sheshim qabyldatýǵa arnalǵan.
Kúdikti sottyń sanksıasymen qamaýǵa alyndy. Qolda bar málimetterge sáıkes, azamat basqa da osyndaı qylmystar jasaǵan bolýy múmkin.
Eger Siz nemese Sizdiń tanystaryńyz kúdiktiniń áreketinen zardap shegip, sondaı-aq tergeý amaldaryna paıdaly aqparatqa ıe bolsa, Sybaılas jemqorlyqqa qarsy qyzmetke kelesi tásilderdiń birimen habarlasýyńyzdy suraımyz:
- Departamentke myna mekenjaı boıynsha habarlasyńyz: Almaty qalasy, Jibek joly kóshesi, 15
- 2. 8 (7272) 78-73-00 nemese 1424 nómirlerine qońyraý shalyńyz
- 3. Telegram-bot @antikorkz_bot jazyńyz