Almaty ákimi men Seýl meri sıfrlandyrý jáne kólik ınfraqurylymyn damytý máselelerin talqylady
Almaty ákimi Erbolat Dosaev jumys sapary aıasynda Seýlge bardy. Almaty delegasıasyn Seýl meri O se Hýn qabyldady. Taraptar BUU Bas Assambleıasynyń ekijaqty áriptestikti damytý forýmynda Qazaqstan prezıdenti Qasym-Jomart Toqaev pen Ońtústik Koreıanyń prezıdenti Iýn Sok Óldiń eki el arasynda joǵary deńgeıde belgilegen ýaǵdalastyqtardy iske asyrý máselesin talqylady, dep habarlaıdy almaty-akshamy.kz
Erbolat Dosaev pen O SeHýn turaqty ekonomıkalyq ósýdi qamtamasyz etý, Smart City qurý, megapolısterdiń kólik ınfraqurylymyn damytý, ınovasıalardy engizýdiń mańyzy jáne t.b. máselelerdi talqylady.
«Seýl – álemdegi eń qarqyndy damyp kele jatqan qalanyń biri, qysqa jáne uzaq merzimdi perspektıvada durys damý men órkendeýdiń mysaly. Seýldiń tehnologıalyq damý, jedel qoǵamdyq kólikti jańǵyrtý, jeke ınvestısıa tartý, qaldyqtardy kádege jaratý jáne ekologıalyq máseleni sheshý, týrıserdi tartý tájirıbesi Almaty úshin qyzyqty ári paıdaly», - dep atap ótti Almaty ákimi áńgime barysynda.
Óz kezeginde Seýl meri O Se Hýn Seýl tájirıbesi jáne qoǵamdyq kólik júıesin jańǵyrtý máselelerinde iri tehnologıalyq kompanıalarmen yntymaqtastyq jobalary týraly aıtty. Merdiń usynystarynyń biri Seýldiń Almatymen ekijaqty qarym-qatynasty nyǵaıtýyna jáne ózara ortaq bastamalardy qoldaýǵa daıyn ekenine qatysty boldy.
Erbolat Dosaev qazirgi ýaqytta Almatyda kólik qurylymynyń sheberlik-jospary ázirlenip jatqanyn aıtty, al bul jolaýshylardy tasymaldaý sapasy men qozǵalys jyldamdyǵyn úshten birge arttyrýǵa múmkindik beredi. Onyń negizi halyqtyń 75%–y úshin jaıaý júrginshilerge arnalǵan jyldam qoǵamdyq kólik – metro, LRT jáne BRT bolady.
Jumys sapary aıasynda delegasıa Seýl qalasyn basqarýdyń kóliktik aqparattyq servısiniń TOPIS (Seoul Transport operation & Information Service) data-habyna bardy, ol megapolıstiń kólik júıesin, Seýldegi tabıǵı apatpen baılanysty kórsetkishterdi táýlik boıy qadaǵalaıdy, sonyń nátıjesinde qalalyq qyzmetterge olarǵa jedel den qoıýǵa múmkindik beredi.
Kezdesý barysynda ekijaqty saýda-ekonomıkalyq áriptestikti arttyrý perspektıvalary talqylandy. 2023 jyldyń basynan beri Almaty men Koreıa Respýblıkasy arasyndaǵy taýar aınalymy 23,6%-ǵa ulǵaıyp, 720 mln dollarǵa jetti.
Almaty delegasıasynyń sapary aıasynda qala ákimi Erbolat Dosaevtyń tóraǵalyǵymen Seýl qalasynda sıfrlandyrý, medısına jáne farmasevtıka, mashına jasaý, sondaı-aq ekologıa jáne ekologıalyq kólik máseleleri boıynsha Samsung Medison, Samsung C&T, Hyundai Rotem, GL Rapha, SK Ecoplant Co jáne t.b. kompanıalarynyń basshylarymen birqatar kezdesý ótti.