Óz balasyn ata-anasy 2 mln teńgege ótkizbek bolǵan.
Almaly aýdanynda arnaıy is-sharany UQQKB jedel ýákilderi men polısıanyń arnaıy jasaq qyzmetkerleri birlesip júrgizdi. Úılestirýdi Almaty qalasynyń prokýratýrasy júzege asyrdy, dep habarlaıdy Almaty-akshamy.kz Polisia.kz-ke silteme jasap.
«1998 jyly týǵan B. esimdi áıel men onyń kúıeýi 1991 jyly týǵan B. esimdi azamat ustaldy. Birneshe saǵat buryn áıel perzenthanadan shyqqan. Olar sol jerden birden mámile jasaýǵa ketken. Olar ulyn 2 mln teńgege baǵalaǵan. Aıta ketý kerek, erli-zaıyptylar týylmaǵan bala úshin “áleýetti ata-anany” aldyn ala izdegen. Jańa týǵan náresteni satýdan túsken aqsha aıyptalýshylardy ustaý kezinde tárkilendi. İs sotqa deıingi tergeýdiń biryńǵaı tiziliminde QR QK-niń 135 baby 2 bóligi (Kámeletke tolmaǵandar saýdasy) boıynsha tirkelgen qylmystyq is materıaldaryna qosyldy. Qylmystyq is aıasynda jedel-tergeý sharalary júrgizilip jatyr», – dedi Almaty qalalyq PD uıymdasqan qylmysqa qarsy kúres basqarmasynyń bastyǵy Janat Nurǵalıev.
Bul erli-zaıyptylardyń eki balasy bar ekendigi anyqtaldy. Olar aýyr qylmys boıynsha óz kinálaryn tolyqtaı moıyndady.