Almaty ákimi Erbolat Dosaev aýdan turǵyndarymen kezdesý kezinde Medeý aýdanynyń densaýlyq saqtaý ınfraqurylymyn jaqsartý boı̆ynsha qandaı̆ jumystar júrgizilip jatqany týraly aı̆typ berdi, dep habarlaıdy aqshamnews.kz
Qala basshysy aǵymdaǵy jyldyń naýryz aı̆ynda №2 qalalyq mamandandyrylǵan balalar úı̆iniń ǵımaratyn kúrdeli jóndeý boı̆ynsha qurylys-montaj jumystaryn aıaqtaý josparlanyp otyrǵanyn habarlady. Kúrdeli jóndeý aýdan turǵyndarynyń sapaly medısınalyq qyzmetterge qoljetimdiligin qamtamasyz etý maqsatynda júrgizilýde. 2024 jyldyń mamyr aı̆ynda 1 mlrd teńge bólinip, jumystar bastaldy.
Aǵymdaǵy jyldyń maýsym aı̆ynda jedel járdem júı̆esin jańartý aıasynda eskisin buza otyryp, № 4 jedel járdem qosalqy stansıasynyń jańa ǵımaratynyń qurylysy aıaqtalady. Bul medısınalyq qyzmettiń sapasy men tıimdiligin arttyrady.
Tamyz aı̆ynda «Dýman» sh/a bir aýysymda 500 kelýshige arnalǵan emhana qurylysyna JSQ ázirleýdi aıaqtaý, «Alataý» emhanasyn rekonstrýksıalaý, sondaı̆-aq eskisin buza otyryp, №2 perzenthananyń jańa ǵımaratyn salý josparlanýda, dep atap ótti Erbolat Dosaev.
Buǵan deı̆in Almatyda qala ákiminiń tapsyrmasy boı̆ynsha №2 perzenthana buzylady dep habarlanǵan bolatyn. 1937 jyly salynǵan ǵımarat ábden tozǵan jáne qazirgi standarttarǵa sáı̆kes kelmeı̆di. Jańa ǵımaratty jobalaý aıaqtalyp, 2025 jyldyń maýsymynda saraptama bastalady dep kútilýde. Jumystyń aıaqtalý merzimi - 2026 jyldyń sońy.
Almatyda densaýlyq saqtaý ınfraqurylymyn jańǵyrtýdy qarjylandyrý 2025 jyly 2,6 ese 69,4 mlrd teńgege deı̆in ulǵaı̆tyldy