Jalpyqalalyq seısmojattyǵý 2 jeltoqsanǵa josparlanyp otyr
Aldaǵy is-shara týraly Óńirlik komýnıkasıalar qyzmetiniń brıfıńinde Almaty qalasy Tótenshe jaǵdaılar jónindegi departamenti basshysynyń m.a. Erlan Álibekov aıtty. Megapolıs turǵyndary men qonaqtaryna túsinistikpen qarap, sabyrlyq saqtaýdy suraıdy, dep habarlaıdy Almaty-akshamy.kz.
Erlan Álibekov osy jumada saǵat 11:00-de Almatyda josparly jalpyqalalyq seısmıkalyq oqý-jattyǵý ótetinin aıtty. Ol jylyna bir ret ótkiziledi. Toqsan saıyn qala uıymdarynda seısmıkalyq oqý-jattyǵýlar ótkizilse, bıyldyń ózinde 3,5 myńnan astam seısmıkalyq oqý-jattyǵýlar ótkizildi.
Tótenshe jaǵdaılar departamentiniń ókili jalpyqalalyq seısmıkalyq jattyǵýǵa aldyn ala daıyndala bastaǵanyn aıtty. Máselen, búginnen bastap telearnalar men radıoarnalarda habarlandyrý bastalady, almatylyqtar oqý-jattyǵýǵa qatysty evakýasıalaý týraly aqparattandyrylady, usynystar berildi.
«Seısmıkalyq oqý-jattyǵý kúni tele jáne radıoarnalar sırenalyq qondyrǵylardy iske qosý arqyly qalalyq eskertý júıesi iske qosylady, «DARMEN» mobıldi qosymshasy arqyly push-habarlamalar jiberiledi», - dedi E.Álibekov.
Seısmıkalyq oqý-jattyǵý boıynsha negizgi oqý orny ADK saýda oıyn-saýyq kesheni bolyp belgilendi, onda shatyrly lager, dala asqanasy, tamaqtaný jáne azyq-túlikpen qamtamasyz etetin pýnktter, halyqty ýaqytsha ornlastyrý jáne tirkeý oryndary jaıylady.
Tótenshe jaǵdaılar departamentiniń spıkeri azamattyq qorǵaý qyzmetiniń barlyq jeke quramy adamdardy qutqarý jáne evakýasıalaý, qırandylardan zardap shekkenderdi shyǵarý, órtti sóndirý, alǵashqy medısınalyq kómek kórsetý boıynsha is-sharalardy is júzinde pysyqtaıtynyn habarlady.
Sonymen qatar, jer silkinisi kezinde halyqtyń is-áreketi boıynsha jadynamalar tarata otyryp, sondaı-aq TJ jaǵdaıyna dabyl dorbasy jasaqtaý boıynsha oqytý trenıńteri ótkiziletin bolady. Qalada shartty túrde baspanasyz qalǵan adamdarǵy 384 qabyldaý pýnkti is júzinde ornalastyrylady.
Barlyq bilim berý, densaýlyq saqtaý nysandary jáne qalada adamdar jappaı bolatyn (OSS, saýda ortalyǵy, SÚ) evakýasıalaý úshin oqý elementteri ázirlenedi, onda TJD qyzmetkerleri ádistemelik kómek kórsetedi jáne jadynamalar taratýdy uıymdastyrady jáne jer silkinisi kezindegi 10 qarapaıym qadam» jadynama uıymdastyrady».
«Seısmıkalyq jattyǵý sýyq mezgilde júrgizilip jatqandyqtan, turǵyndardy jyly kıinip evakýasıalaýdy suraımyz. Seısmıkalyq oqý-jattyǵýdyń negizgi maqsaty – qala turǵyndarynyń tótenshe jaǵdaı kezindegi is-qımyldarǵa daıyndyq deńgeıin arttyrý, turǵyndar evakýasıalaý joldaryn, qaýipsiz jerlerdi aldyn ala anyqtap, apattyq chemodandardy daıyndaý», – deıdi E.Álibekov.
Sondaı-aq ol qaýipsiz oryndar elektr jelileri men ǵımarattardan alys ashyq jerler ekenin túsindirdi.
Eske salaıyq, Almaty qalasy 9-10 baldyq seısmıkalyq aımaqta ornalasqan. Jyl saıyn qalada 200-ge deıin álsiz, sezilmeıtin jer silkinisi bolady. Bul rette kúshi 2-den 4 balǵa deıingi jer silkinisi Almaty úshin fondyq rejım bolyp tabylady. Seısmologıa ınstıtýtynyń boljam komısıasynyń málimetinshe, jyl sońyna deıin qalada 7 jáne odan da kóp baldyq jer silkinisi kútilmeıdi. Sondyqtan júrgizilip jatqan qalalyq seısmıkalyq daıyndyq jer silkinisin kútýmen baılanysty emes