Megapolıs ákimi Baqytjan Saǵyntaev jumys sapary barysynda Rysqulov dańǵyly men Emsov kóshesiniń qıylysyndaǵy jolaıryq boıymen kólik qozǵalysyn bastap berdi, dep habarlaıdy Almaty-akshamy.kz
Rysqulov dańǵyly men Emsov kóshesiniń qıylysyndaǵy kólik jolaıryǵynyń qurylysy aıaqtaldy. Rysqulov dańǵyly arqyly ótetin estakadanyń uzyndyǵy 186 metrdi quraıdy. Onyń qurylysy osy aımaqta ornalasqan qurylys ıelerimen bolǵan sot prosesterine baılanysty keshiktirildi.
Buryndary jekelegen búıirlik joldary boıynsha qozǵalys ashylǵan bolatyn. Jolaıryǵy Rysqulov dańǵyly boıymen júretin kólikterdi ótkizý qabiletin táýligine 80 myń avtomobılge deıin, Emsov kóshesi boıymen 40 myńǵa deıin arttyrady.
Habarlanǵandaı, bıyl Almatynyń 274 kóshesindegi jańa joldardyń uzyndyǵy 415 kósheniń 108 shaqyrymyn quraıdy. Jalpy uzyndyǵy 80 shaqyrymǵa jetken 7 shaqyrym velojol salý jumystary aıaqtaldy.
Buǵan deıin Qulja traktisi men Buqtyrma kóshesiniń qıylysynda salynyp jatqan jolaıryqta Qulja traktisi boıynsha eki baǵytta kólik qozǵalysy uıymdastyrylǵan bolatyn. Budan basqa, túsetin joldar boıynsha Buqtyrma kóshesinen Qulja traktisine shyǵysqa qaraı, sondaı-aq Qulja traktisi boıymen Buqtyrma kóshesine túsetin jol arqyly burylý alańyna ótpesten qozǵalys ashyldy.