2023 jylǵy 13-23 qazan aralyǵynda budget.open-almaty.kz portalynda «Halyq qatysatyn búdjet» úzdik jobalary úshin daýys berý ótedi.
Daýys berýge qala turǵyndarynyń 2 213 jobalyq usynysy qatysady6 dep habalaıdy Almaty-akshamy.kz.
Qalany abattandyrý jáne damytý boıynsha bastamalardyń kóbin Almaly (921) jáne Alataý (790) aýdandarynyń turǵyndary berdi. Budan keıin Túrksib (100), Medeý (95), Jetisý (84), Áýezov (81), Bostandyq (79) jáne Naýryzbaı (63) aýdandary tur.
Daýys berýge jiberilgen jobalar qatarynda: Jeltoqsan kóshesi, 121 úı mekenjaıy boıynsha «Igla» (1988 j.) fılminiń túsirilimi ótken oryndy abattandyrý; Kemel shaǵyn aýdany dybys oqshaýlaǵysh qorshaýdy ornatý; Tóle bı Ormanov kósheleriniń qıylysydaǵy kópirdiń astyndaǵy basketbol alańynyń qurylysy; «Almaty Arena» mańyndaǵy ıtterdi serýendetýge arnalǵan alańnyń qurylysy jáne t. b. jobalardyń tolyq tizbesi budget.open-almaty.kz portalynda «Bıylǵy jobalar» bóliminde qoljetimdi.
Daýys berýge Almatynyń kámeletke tolǵan turǵyndary qatysa alady (mindetti shart – turaqty tirkeýdiń bolýy). ESQ nemese SMS-kod keletin uıaly telefon arqyly 3 jobalyq usynys úshin ǵana daýys berýge bolady. Eń kóp daýys jınaǵan jobalyq usynystardy aýdan ákimdikteri 2024 jyly iske asyrady.
«Halyq qatysatyn búdjet» boıynsha keńesti aýdandyq ákimdikterden nemese Open Almaty ákimdiginiń Qoǵamdyq qabyldaý bólmesinen 224 39 29 (ishki. 203, 127) ala alasyzdar.