JOO rektory Dj. Paýnder Almaty ákimi Baqytjan Saǵyntaevqa ýnıversıtet bazasyn tez arada qurýǵa yqpal etkeni ári jeke qoldaý kórsetkeni úshin alǵys aıtty, dep habarlaıdy almaty-akshamy.kz
Almaty ákimi Baqytjan Saǵyntaev De Montfort University Kazakhstan ýnıversıtetiniń rektory Djeıms Paýndermen kezdesti. Taraptar jumystyń perspektıvalyq josparlaryn talqylady. Máselen, oqý baǵdarlamasyna AT, kreatıvti ındýstrıa boıynsha mamandyqtar engiziledi. Bul baǵyttarǵa Almatynyń 2050 jylǵa deıingi Damý strategıasynda erekshe kóńil bólingen.
Bul - Qazaqstanda oqytýǵa lısenzıa alǵan jáne úzdik bilim berý standartyn engizý úshin qurylǵan alǵashqy sheteldik ýnıversıtet. Túlekterge DMU Lester Ýnıversıteti (Ulybrıtanıa) dárejesi beriledi.
«Bizdiń jastarymyz Almatydan ketpeı-aq bedeldi joǵary oqý ornynda joǵary bilim alý múmkindigine ıe bolady. Qyzyǵýshylyq bildirgender az emes. Birinshi kýrsqa 700 talapker úmitker boldy. Bakalavrıatqa 145 stýdent tústi. Kelesi jyldan bastap magıstratýra ashylady», - dep atap ótti Baqytjan Saǵyntaev.
«Halyqaralyq joǵary oqý ornynyń Almatyda ashylýy megapolısti álemdik bilim berý qalalarynyń qataryna qosady. Álemge áıgili ýnıversıtettiń qurylýy alty aı buryn bastalyp, mine aıaqtaldy. Bir kezderi arman bolǵan ıdeıa júzege asyryldy», - dep habarlady qala ákimi Baqytjan Saǵyntaev óziniń Facebook-tegi paraqshasynda.
De Montfort University Kazakhstan-da oqytý dárister, beıresmı semınarlar, praktıkalyq sabaqtar, master-klastar, pikirtalastar jáne onlaın oqytý arqyly júzege asyrylady. Sabaqtardy halyqaralyq deńgeıdegi joǵary bilikti oqytýshylar ótkizedi. Oqytýda bolashaq menedjerler men kásipkerlerdiń praktıkalyq daǵdylaryn tereńdetip damytýǵa yqpal etetin naqty bıznes-keıster men oqý tásilderi qoldanylady.
Ýnıversıtet baǵdarlamalarynyń negizgi modýlderi: «Bıznesti qarjylandyrý prınsıpteri», «Kásiporyndy damytý», «Kásibı tabysqa jetý úshin ózińdi taný jáne damytý», «Túrli mádenıetterdegi bıznes», «Strategıalyq menedjment», «Uıymdastyrýshylyq kontekstegi kóshbasshylyq jáne mádenıet», «Jobalardy basqarý», «Halyqaralyq marketıń».
Jalpy, ýnıversıtet Almatyda 20 mln dollar ınvestısıamen álemdik deńgeıdegi jeke kampýstyń qurylysyn bastaýǵa nıet bildirýde.