Adam densaýlyǵyna zıandy preparattar
Almaty halyqaralyq áýejaıynan salmaǵy 92,5 keli bolatyn adam densaýlyǵyna zıan preparattardy zańsyz áketpekshi bolǵandar ustaldy, dep habarlaıdy Almaty-akshamy.kz.
Kedendik baqylaý barysynda Almaty qalasy boıynsha Memlekettik kirister departamentiniń «Jetisý» keden beketiniń laýazymdy tulǵalary Almaty qalasy boıynsha Ekonomıkalyq tergeý departamenti jáne QR UQK Shekara qyzmetimen birlesip, Almaty qalasy Avıasıalyq kólik prokýratýrasynyń úılestirýimen QR aýmaǵynan Úkimet qaýlysymen bekitilgen adam densaýlyǵyna zıandy preparattardy zańsyz áketý áreketiniń jolyn kesti.
«Bul salmaǵy 92,5 keli bolatyn 2923 paket mólsherindegi dárilik preparattar bıologıalyq belsendi qospa sanalady. Sonymen qatar, kedendik saraptamanyń nátıjesinde bıologıalyq belsendi qospalar tabletka jáne ampýla túrinde oralǵany, QR aýmaǵynda eksporty men ımporty shekteýli bolyp tabylatyn kúshti anabolıkalyq steroıdter ekeni anyqtaldy. Bul derek boıynsha materıaldar is júrgizý sheshimin qabyldaý úshin Almaty qalasy boıynsha Ekonomıkalyq tergeý departamentine jiberildi», - dep habarlady Almaty qalasy boıynsha Memlekettik kirister departamentiniń baspasóz qyzmeti.