«Jasyl el» respýblıkalyq baǵdarlamasynyń megapolıste qalaı jumys isteıtini Almaty qalasynyń Óńirlik komýnıkasıalar qyzmetinde ótken brıfıńte aıtyldy. «QAMQOR CHARITY» qoǵamdyq qorynyń tóraıymy, Almaty qalasy ákimi janyndaǵy jastar keńesiniń múshesi Baǵdat Anarbaeva jáne Jastar saıasatyn damytý memlekettik qory dırektorynyń mindetin atqarýshy Ázız Qajdenbek spıker retinde qatysty, dep habarlaıdy Almaty-akshamy.kz.
«Jasyl el» baǵdarlamasy 16-dan 29 jasqa deıingi jastarǵa arnalǵan. Ol jazǵy ýaqytta jastardyń basyn biriktiredi jáne áleýmettik ári ekologıalyq jobalardy júzege asyrady.
«Búgin biz jastar úshin óte mańyzdy jáne paıdaly joba týraly aıtyp otyrmyz. Bul baǵdarlama kóp jyldar boıy jumys istep keledi jáne jyl saıyn jazǵy kezeńde stýdentterge jumys tabý jáne az da bolsa tabys tabý tabý maqsatynda qoldaý kórsetedi. Sonymen qatar, qalamyzdyń kórkeıip, kógaldandyrýyna septigin tıgizedi», - deıdi B.Anarbaeva.
Jalpy, atalǵan baǵdarlama aıasynda barlyq kezeńinde 20 myńnan astam stýdent pen jumyssyz jastar jumysqa ornalastyryldy.
«Bıyl 3 myńnan astam jas bul qatarǵa ótýge nıet bildirgen. Bıylǵy jyly baǵdarlama aıasynda kvota 1900 oryndy qurady. Biz ony tolyqtaı qamtydyq», - dep tolyqtyrdy Á.Qajdanbek.
Baǵdarlama aıasynda jastar tek ekologıalyq aksıalarǵa ǵana emes, sonymen birge, iri aýqymdy sharalarǵa qatysty. Bıyl «Tabıǵatty baǵalaıyq» chellendji iske qosyldy, jastar ekoaksıalarǵa qatysty.
«Jasyl el» múshesi bolý ońaı, ol úshin onyń keńsesinde tirkelý qajet. Bıyl bul jobany Jastar saıasatyn damytý memlekettik qory júzege asyrýda.
Brıfıń sońynda spıkerler bul jobaǵa jastar arasynda suranystyń óte joǵary ekenin atap ótti. Olar jastardyń qosymsha tabys tabýyna múmkindikteri bolýy úshin «Jasyl eldi» jazda ǵana emes, sabaq ýaqytynda da damytýdy josparlap otyr. Kelesi jyly jalaqyny kóterý josparlanýda.
Barlyq qyzyqtyrǵan suraqtar boıynsha Baıtursynov, 22, 1-korpýs mekenjaıy boıynsha júginýge bolady.