Respýblıkada tumaýdyń A jáne B vırýsynyń taralyp jatqany anyqtaldy.
Bul týraly búgin Densaýlyq saqtaý vıse-mınıstri – Bas memlekettik sanıtarıalyq dáriger Aıjan Esmaǵambetova aıtty, dep habarlaıdy Almaty-akshamy.kz QazAqparatqa silteme jasap.
«Respýblıkamyzda koronavırýs ınfeksıasy boıynsha epıdemıologıalyq jaǵdaı turaqty. Barlyq óńirler «jasyl» aımaqta. Táýligine koronavırýstyń 70-ke deıin jaǵdaıy tirkeledi. Naýqastardyń 99 paıyzy emdelgen. Koronavırýs ınfeksıasy boıynsha turaqty epıdemıologıalyq jaǵdaıǵa qaramastan, qazirgi ýaqytta jiti resperatorlyq vırýstyq ınfeksıa men tumaýdyń epıdemıalyq maýsymy bastaldy», - dedi vıse-mınıstr búgin Ortalyq saılaý komısıasynyń otyrysynda.
Aıjan Esmaǵambetovanyń atap ótýinshe, olardyń taralý joly koranavırýs ınfeksıasymen birdeı, ıaǵnı aýa-tamshy jolymen beriledi.
«Aǵymdaǵy epıdemıologıalyq maýsymnyń basynan beri respýblıkamyzda tumaýdyń 1 014 zerthanalyq rastalǵan jaǵdaıy tirkeldi. Respýblıkada tumaýdyń A jáne B vırýsynyń aınalymda júrgeni anyqtaldy. Budan basqa búgingi kúni 1 mıllıonnan astam JRVI tirkeldi. Syrqattanýshylyq ótken jyldyń osy kezeńimen salystyrǵanda birdeı deńgeıde. Aýyrǵandardyń 60 paıyzy – 14 jasqa deıingi balalar», - dedi ol.