Saılau nauqany Almaty oblysynyń 71 okrugínde ótedí.
25 shíldede auyldyq okrugter ákímderín saılau ótedí.Qazírgí kezde 20 úmítker óz kandıdaturasyn ūsynyp úlgerdí, dep habarlaıdy Almaty-akshamy.kz.
«Qazaqstan Respublıkasyndaǵy saılau turaly» Qazaqstan Respublıkasy Konstıtutsıyalyq zańynyń 113-3-babyna sáıkes, 2021 jylǵy 25 shíldede auyldyq okrugter ákímderíníń saılauy ótedí. Saılau nauqany Almaty oblysynyń 71 okrugínde ótedí. Aqsu audany boıynsha 9 ákím, Alakól – 8, Balqash -6, Eńbekshíqazaq – 10, Eskeldí – 1, Jambyl – 2, Íle – 1, Qarasaı – 1, Qaratal – 2, Kegen – 5, Kerbūlaq – 4, Kóksu - 4, Panfılov - 4, Sarqan - 3, Talǵar - 4, Ūıǵyr - 6, Tekelí qalasy -1 saılanatyn bolady. Raıymbek audanynda, Taldyqorǵan jáne Tekelí qalalarynda bos okrugterdíń bolmauyna baılanysty auyldyq okrugter ákímderín saılau ótkízílmeıdí», –dep habarlaıdy Almaty oblysy ákímíníń baspasóz qyzmetí.
2021 jylǵy 25 mausymda oblystyń aumaqtyq saılau komıssıyalary 25 shíldege 71 auyldyq okrugte saılau taǵaıyndady. Saılau okrugterín taǵaıyndau, qūru turaly aqparat, saılaudy ázírleu men ótkízu jóníndegí negízgí ís-sharalardyń Kúntízbelík jospary audandar men qalalar ákímdíkteríníń saıttarynda ornalastyrylǵan jáne jergílíktí BAQ-ta jarıyalanatyn bolady.
Barlyǵy saılauda 17 aumaqtyq jáne 198 uchaskelík saılau komıssıyalary, 1451 saılau komıssıyalarynyń múshelerí jūmys ísteıdí. Saılaushylar sany 222 myńnan astam adamdy qūraıdy.
26 mausymnan bastap ákímdíkke kandıdattar ūsynu bastaldy, ūsynu qūqyǵy sayası partıyalarǵa, azamattarǵa, ózín-ózí ūsynu jolymen, sondaı-aq ūsynu merzímí ayaqtalǵan kúní ekíden kem kandıdat ūsynylǵan jaǵdaıda, audandar men qalalar ákímderíne tıesílí.
