Áıelge 34 500 teńge aıyppul salyndy.
Almatyda balasyn aldyna alyp kólik tizgindegen áıel jazalandy, dep habarlaıdy Almaty-akshamy.kz.
Almaty polısıa departamenti ókilderiniń aıtýynsha, 41 jastaǵy áıel Toyota kóliginiń júrgizgen.
«Balasyn aldyna alyp kólik tizgindegen áıel jaýapkershilikke tartyldy. Atap aıtqanda, Ákimshilik quqyqbuzýshylyq týraly kodekstiń 593-babynyń 1-bóligi «Jolaýshylardy jáne júkterdi tasymaldaý qaǵıdalaryn saqtamaý», 593-babynyń 2-bóligi boıynsha «Qaýipsizdik beldikterin nemese motoshlemderdi paıdalaný qaǵıdalaryn saqtamaý», - dep habarlady qalalyq İİD.
Aıyppul somasy - 10 aılyq eseptik kórsetkishti nemese 34 500 teńge.
«Júrgizýshimen aldaǵy ýaqytta mundaı quqyqbuzýshylyqtardyń aldyn alý boıynsha zańdyq-túsindirý áńgimesi júrgizildi», - dep tolyqtyrdy vedomstvodaǵylar.
Eske salaıyq, buǵan deıin Almatyda balasyn aldyna alyp kólik tizgindegen áıeldiń áreketi vıdeoǵa túskenin habarlaǵan edik.