Almaty balabaqshalarynda oryn tapshy. Búgingi kúni mektepke deıingi bilim mekemesiniń kezeginde 43 myńnan astam bala tur. Bul týraly brıfıń barysynda qalalyq bilim basqarmasy basshysynyń orynbasary Qaırat Jumanov málim etti, dep habarlaıdy Almaty-akshamy.kz Inform.kz-ke silteme jasap.
Spıkerdiń sózinshe, megapolıste 866 mektepke deıingi uıym bar. Onyń 192-si memlekettik bolsa, qalǵan 674 -i jekemenshik balabaqsha.
«Qalada mektepke deıingi bilim berý salasyndaǵy negizgi problema- balabaqashalardaǵy oryn tapshylyǵy. Qazir 43 myńnan astam bala kezekte tur. 2025 jylǵa qaraı 3 jastan 6 jasqa deıingi búldirshinderdi mektepke deıingi tárbıemen 100 paıyz qamtý josparda», - deıdi Qaırat Jumanov.
Sonymen qatar, ol qalada 560 orynǵa arnalǵan eki memlekettik balabaqsha salynyp jatqanyn atap ótti. Buǵan qosa bıyl megapolıste 69 jekemenshik balabaqsha ashylady.