Olar bul qylmyspen 4 jyl boıy aınalysqan.
Almaty soty jańa týǵan sábılerdi satýmen aınalysqan 7 tulǵaǵa qatysty úkimdi óz kúshinde qaldyrdy, dep habarlaıdy, dep habarlaıdy Almaty-akshamy.kz
Almaty sotynyń baspasóz qyzmetiniń málimetinshe, buǵan deıin sottalýshylar birinshi satydaǵy úkim boıynsha qylmystyq toptyń quramynda kámeletke tolmaǵan balalardy satyp alý-satý jáne syıǵa tartý (QR-niń 28 b., 135 b.), uıymdasqan topty qurǵany jáne oǵan jetekshilik etkeni (QR-niń 262 b.) jáne jalǵan qujattardy birneshe márte daıyndaǵany (QR-niń 385 b.) úshin kináli dep tanylǵan bolatyn.
"2018 jyldan bastap 2022 jylǵy naýryzǵa deıin A. (AHAJ-dyń burynǵy qyzmetkeri) balalardy satyp alý-satý jáne basqa da mámileler boıynsha 4 epızodty óz betinshe jasaǵan. A. qylmystyq top quryp, onyń quramyna S. jáne E. (jumyssyzdar) jáne belgisiz E. esimdi áıel kirgen. Atalǵan qylmystyq toptyń maqsaty jańa týǵan sábılerge qatysty satyp alý-satý jáne basqa da mámileler jasaý arqyly tabys tabý bolǵan", - dep túsindirdi sot ókilderi.
A.-nyń mindetine qylmystyq topqa jalpy basshylyq jasaý, sondaı-aq týý týraly kýálikter jasaý kirgen. S., E. jáne belgisiz áıel E-niń mindetteri jańa týǵan sábılerinen bas tartýǵa daıyn adamdardy jáne jańa týǵan balalardy asyrap alýǵa nıet bildirgen adamdardy izdeý jáne kelissózder júrgizý, aqsha alý jáne keıinnen olardy A-ǵa berýdi qamtyǵan.
"G., B., M. jáne N.-nyń árqaıy jańa týǵan sábılerge qatysty satyp alý-satý mámileleriniń bir epızodyna ǵana qatysqan jáne qylmystyq topqa kirmegen. İs boıynsha barlyǵy 12 jańa týǵan sábıge qatysty satyp alý-satý jáne syıǵa tartý mámileleri jasaldy.Sonymen qatar B.-ǵa alaıaqtyq jasady degen aıyp taǵylǵan, ıaǵnı jábirlenýshiniń atyna 1 000 000 teńgege jýyq somaǵa nesıeni alaıaqtyq rásimdeý arqyly aqsha jymqyrdy dep aıyptaldy.Sondaı-aq sot G. jáne B.-men birge turatyn tulǵalar jańa týǵan sábılerin satýdan óz erkimen bas tartqanyn anyqtady, biraq A. men belgisiz áıel E. olardy aldap, balany alyp, satyp jibergen", - delingen habarlamada.
Qylmystyq qýdalaý organy balalarynan bas tartqan analarǵa jáne osy balalardy ózderi asyrap alý úshin satyp alǵan adamdarǵa qatysty sotqa deıingi tergeý barysynda qylmystyq ister QK-niń 65 b. boıynsha áreketti ókinish bildirgenderi úshin toqtatylǵanyn atap ótken jón.
Sottalýshy áıelder M. 1956 j.t. – 67 jasta jáne N. 1953 j.t. - 70 jasta, bosanǵannan keıin anasy bas tartqan balany osy sábıdi asyrap alǵysy kelgen tulǵalarǵa óteýsiz berýdiń bir epızodyna qatysqan. Osy aıyptalýshylar M. jáne N. óz kinálaryn tolyq moıyndady, tergeý jumysynda seriktestik tanytty jáne olardy áreketti ókinish bildirgenderi úshin qylmystyq jaýapkershilikten bosatýdy surady.
Sotta prokýror barlyq aıyptaý epızodtary boıynsha aıyptaýdy qoldap, sottan aıypkerlerdiń barlyǵyna 9 jyldan 16 jylǵa deıin bas bostandyqtarynan aıyrý jazasyn taǵaıyndaýdy surady.
Sot úkimimen A., S. jáne E. qylmystyq top quramynda kámeletke tolmaǵandarǵa qatysty mámileler jasasqany úshin taǵylǵan barlyq aıyptar boıynsha kináli dep tanyldy jáne sottaldy: A. – 14 jyl, al S. jáne E. – árqaısy 12 jyl merzimge bas bostandyqtarynan aıyryldy.
A. QK-niń 385 b.-nyń 1 jáne 2 b. boıynsha aıyp taǵylǵan 11 epızodtyń 6-sy boıynsha (qujattardy qoldan jasaý) qylmystyq quqyq buzýshylyq quramynyń dáleldenbegeni úshin aqtaldy.
G. jáne B. - QK-niń 135 b., 2 b., 1 t. boıynsha kinásiz dep tanyldy jáne qylmystyq quqyqbuzýshylyq quramynyń joqtyǵy úshin aqtaldy;
B. QK-niń 190 b., 1 b. (onsha aýyr emes) boıynsha kináli dep tanylyp, 1 jyl bas bostandyǵyn shekteý túrindegi jaza taǵaıyndaldy, sondaı-aq jaza merziminde qamaýda ustaý merzimin esepke jatqyzý qaǵıdalaryna sáıkes ótelip qoıýyna baılanysty ony óteýden bosatyldy.
M. jáne N. - kináli dep tanyldy jáne QK-niń 65 b. boıynsha áreketti ókinish bildirgenderi úshin qylmystyq jaýapkershilikten bosatyldy.
Jergilikti bilim basqarmalaryna qoldanystaǵy zańnamaǵa sáıkes zańsyz asyrap alynǵan balalardyń taǵdyryn anyqtaý týraly jeke qaýly jiberildi.