Aýany lastaýdyń negizgi kózderi avtokólik shyǵaryndylary, jylý energetıkalyq keshender (JEO-2,3), Almaty men Almaty aglomerasıasynyń gazdandyrylmaǵan úıleri men saıajaılary, óndiristik kásiporyndar bolyp tabylady. Tyǵyz salynǵan núkteli qurylystar qalany jeldetýdi tómendetip, aýanyń lastaný deńgeıine keri áser etdý. Bul týraly "Almatyny 2025 jylǵa deıin damytý baǵdarlamasy jáne 2030 jylǵa deıingi negizgi basymdyqtarda" aıtylǵan.
2021 jyly zalaldy zattardyń jalpy kólemi 127 myń tonnany qurady. Onyń ishinde 70 myń tonna – avtokólikten, 46 myń tonna – stasıonarlyq kózderden (onyń ishinde 36 myń tonna JEO-2), 11 myń tonna-jeke sektordan.
Ázirlengen Almaty qalasyn 2025 jylǵa deıin jáne orta merzimdi perspektıvalardy 2030 jylǵa deıin damytý Baǵdarlamasy aıasynda aýaǵa keri áser etetin zalaldy zattardy azaıtý jáne qorshaǵan ortany jaqsartý boıynsha kezeń-kezeńmen júzege asatyn sharalar ázirlendi. Almatyda 2023 jylǵa deıingi damý baǵdarlamasyna sáıkes paıdalanylǵan gazdardyń ýyttylyǵy men tútindigi normalaryna sáıkestigine avtomobıl shyǵaryndylaryn ólsheýdi júrgizý qaǵıdalary qabyldanady, avtokólikterge ekologıalyq synyp berý týraly reglament ázirlenedi. Qujat Eýrazıalyq ekonomıkalyq odaqtyń ekomarkırovka jasaý jónindegi tehreglamentine sáıkes bolady.
2025 jylǵa deıin aýany lastaıtyn zalaldy zattardyń deńgeıi tómen aımaqtarǵa kóliktiń kirýin shekteý úshin avtomobılder ekomarkırovkalanady. 2025 jyldyń sońyna deıin komýnaldyq tehnıka – dızel otynymen jumys isteıtin 3,4 myń birlik arnaıy tehnıka men avtobýs syǵymdalǵan tabıǵı gaz ben elektr tartymyna aýystyrylady. Bul zalalady zattardy jylyna 1 myń tonnaǵa azaıtýǵa múmkindik beredi. 2025 jylǵa deıin 1200 dızeldi avtobýs gaz ben elektr tartymyna aýysady. Bul shyǵaryndylardy jylyna 2 myń tonnaǵa azaıtýǵa múmkindik beredi. Sondaı-aq, syǵymdalǵan tabıǵı gazben júretin avtobýstar úshin jańa ınfraqurylym salý jáne t. b. josparlanýda.
Sondaı-aq jeke (2025 J.) jáne qoǵamdyq elektr kóligin (2030 j.) zarádtaý úshin ınfraqurylym jelileri jasalady. 2030 jylǵa qaraı elektr avtobýstary úshin 3 jańa zamanaýı depo paıdalanýǵa beriledi.