Almatyda 2025 jylǵa qaraı 2 jańa avtopark pen 5 jańa janarmaı quıý stansıasy paıdalanýǵa berilip, troleıbýs parki jańartylady. Josparda 200 troleıbýs satyp alý bar. Bul týraly Almatyny 2025 jylǵa deıin damytý baǵdarlamasy jáne 2030 jylǵa deıingi negizgi basymdyqtarynda aıtylǵan, dep habarlaıdy Almaty-akshamy.kz.
2025 jylǵa deıin 1200 dızeldi avtobýs gaz ben elektr tartymyna aýysady. Qoǵamdyq elektr kóligi úshin zarádtaý ınfraqurylymynyń jelisin qurý josparlanýda (2030 j.). 2030 jylǵa qaraı elektr avtobýstaryna arnalǵan 3 jańa zamanaýı depo paıdalanýǵa beriledi.
Jeke avtokólikti az paıdalaný úshin 2030 jylǵa deıin qoǵamdyq kólikpen tasymaldaý sapasy jaqsarady. Ol úshin BRT júrdek baǵyttarynyń sanyn arttyrý josparlanýda. Qazir 3097 shaqyrym joldyń 150 shaqyrymy nemese 4,8 paıyzy bólingen jolaqtar. «Almaty arenadan» Tóle bı kóshesi boıymen jeńil relsti tramvaıdyń (LRT) birinshi jelisin iske qosý josparlanǵan. Sondaı-aq, shaǵyn mobıldilik jáne basqa ınfraqurylym úshin 60 km jańa velojol salynady. Bul qala turǵyndarynyń qaýipsiz júrip-turýyna kómektesedi jáne mýltımodaldy qozǵalystyń sanyn arttyrady.
Almatyda "maıatnıktik kólik" (keletin jáne ketetin jeke kólik) deńgeıin tómendetý úshin jumys istep turǵan óndiristerdi qaladan aýystyrý jáne jańa óndirister ashý josparlanýda. Sondaı-aq, qoǵamdyq kólikpen tasymaldaý kólemi ulǵaıtylatyn bolady. 2030 jylǵa deıin kezeń-kezeńmen qalada shyǵaryndylar deńgeıi tómen aımaqtarda kóliktiń júrip ótýin shekteıdi, avtomobıl turaqtary úshin tólemdi arttyrady.