Bul málimetterdi Almaty qalasy kásipkerler palatasynyń dırektory Aıtýar Qoshmambetov Óńirlik komýnıkasıalar qyzmetiniń baspasóz konferensıasynda aıtty, dep habarlaıdy almaty-akshamy.kz
Almaty qalasy kásipkerler palatasynyń dırektory bul joba sanıtarlyq-epıdemıologıalyq qaýipsizdik máselelerinde óziniń tıimdiligin kórsetetinin atap ótti. Almaty qalasy sanıtarlyq-epıdemıologıalyq baqylaý departamentiniń málimetteri boıynsha, 2021 jyldyń 9 sáýirinen 17 tamyzyna deıin skanerleý nátıjesinde 5515 turǵynnyń «qyzyl», 735 turǵynnyń «sary» mártebesi rastaldy.
Barlyǵy 12 sáýirden bastap Qazaqstanda 56 893 «qyzyl» jáne 20 774 «sary» kelýshiler anyqtaldy, ıaǵnı 77 600-den astam adam karantındi buzǵan.
«Jalpy alǵanda, Ashyq jobasyna qatysýshylardy keńinen qamtýdyń arqasynda ózin-ózi oqshaýlaý rejımin buzýshylardy anyqtaý kórsetkishi 15 esege ósti. Kún saıyn respýblıka boıynsha «qyzyl» mártebesi bar 2000-nan astam kelýshi anyqtalady», - dedi Aıtýar Qoshmambetov.
Sonymen qatar, ol 1 qyrkúıektegi jaǵdaı boıynsha 281 obektiniń Almatydaǵy jobanyń kóshbasshylary ekenin aıtty. Jetekshi kásiporyndar ýaqytsha úlken artyqshylyqtarmen jumys isteıtini barshaǵa málim. Alaıda, tirkelmese, mártebeden aıyrylý ońaı. Aldymen statýs 1 aptaǵa, qaıtalap buzylǵan jaǵdaıda - 2 aptaǵa jáne úshinshi ret buzylǵan jaǵdaıda - 1 aıǵa toqtatylady.
«Shekteý jáne karantındik sharalardy buzǵan jobaǵa qatysýshylarǵa ákimshilik sharalar qoldanylýda. Bul jerde aıta ketý kerek, Almaty qalasynda «qyzyl» mártebesi bar 870 adamǵa jeke oqshaýlaý rejımin buzǵany úshin 30 AEK mólsherinde aıyppul salyndy»,-dedi Aıtýar Qoshmambetov.
Kásipkerler palatasynyń dırektory búginde kásiporyndardyń vaksınasıalanǵan qyzmetkerlerin tekserý algorıtmi bekitý satysynda turǵanyn aıtty.
«Bıznes jáne múddeli memlekettik organdarmen birqatar talqylaýlar júrgizildi. Vaksınalanbaǵan jumysshylar anyqtaǵalǵan soń kásipkerge sanıtarlyq -profılaktıkalyq is -sharalar júrgizý týraly qaýly shyǵarylady dep josparlanýda. Sodan keıin, qaıta sáıkestendirý kezinde kásipkerdi ákimshilik jaýapkershilikke tartý máselesi qaralady», - deıdi Aıtýar Qoshmambetov.