Bereshegi barlar “Boryshker” is-sharasy barysynda anyqtaldy.
Buryn habarlanǵandaı, Almatyda sot pen sot oryndaýshylarynyń qaýlysy boıynsha salyq bereshegi jáne basqa da bereshegi bar kólikterdi, sondaı-aq tólenbegen ákimshilik aıyppuldary bar kólikterdi anyqtaýǵa baǵyttalǵan “Boryshker” respýblıkalyq jedel aldyn alý is-sharasy jalǵasyp jatyr. İs-shara jeke sot oryndaýshylarynyń jáne memlekettik kirister departamenti qyzmetkerleriniń qatysýymen júzege asyrylady, dep habarlaıdy Almaty-akshamy.kz Polisia.kz-ke silteme jasap.
«Almaty joldarynda JAAİSH bastalǵaly beri 244 kólik toqtatylyp, mamandandyrylǵan aıyppul turaǵyna ornalastyryldy. Olardyń ıeleriniń sot qaýlysy jáne sot oryndaýshylary boıynsha bereshegi, sondaı-aq jalpy somasy 73 mln teńgeden astam tólenbegen ákimshilik aıyppuldary bar. Máselen, qalada Reseı Federasıasynda tirkelgen Toyota Camry avtokóligi ustaldy, onyń júrgizýshisi 4 mln 574 myń 700 teńge somasynda 132 ákimshilik quqyq buzýshylyq jasaǵan», – dep atap ótti Almaty qalasy PD ákimshilik polısıa basqarmasynyń bastyǵy Asqat Qulbaev.
Sondaı-aq kólik quraldaryn basqarý quqyǵy joq 133 júrgizýshi, buryn kólik quralyn basqarý quqyǵynan aıyrylǵan 15 júrgizýshi jáne jalǵan nómir taqqan 13 júrgizýshi ustaldy