Jasandy kóshkin kezinde kólemi 44 myń tekshe metr qar massasy taý etegine tústi.
Almaty qalalyq TJD baspasóz qyzmetiniń málimetinshe, 16 naýryz Almatydaǵy taýda jasandy qar kóshkini júrgizildi, dep habarlaıdy Almaty-akshamy.kz
«Shymbulaq-Tuıyqsý» avtojoly ýchaskesiniń, demalýshylar men týrıserdiń qaýipsizdigin qamtamasyz etý maqsatynda "Qazgıdromet" RMK usynymdary negizinde 16 naýryz kúni "Qazseldenqorǵaý" mamandarymen Kishi Almaty ózeni baseıniniń «Edelveıs» qar jınaǵysh aýmaǵynda qar túsirý jumystary júrgizildi»,- dep habarlady Almaty qalalyq TJD baspasóz qyzmeti.
Qazirgi tańda júrip bara jatqan avtokólik pen taý týrıserine qaýip joq. Profılaktıkalyq jumystardyń júıeli túrde júrgiziletinin atap ótý qajet. Jyl basynan beri jalpy kólemi 35 myń tekshe metr qamtyǵan 7 profılaktıkalyq qar túsirý júrgiziledi.
Esterińizge sala keteıik, qala ákimdiginiń qoldaýymen Almaty qalasy TJ departamenti kishi jáne Úlken Almaty ózenderiniń baseıninde kóshkin qaýpi monıtorıńiniń avtomattandyrylǵan júıesin engizý boıynsha jumys júrgizýde. Bul júıe árbir kóshkin qaýpi bar ýchaskelerge naqty ýaqyt rejıminde monıtorıń júrgizýge jáne taýlarda barynsha dál jáne tıimdi qaýipsizdik sharalaryn qabyldaýǵa múmkindik beredi. Jaýyn-shashyn , qar jamylǵysynyń turaqsyz jaǵdaıyna baılanysty úlken jáne Kishi Almaty ózenderiniń baseınderinde 15-18 naýryz aralyǵynda qar kóshkini júrýi múmkin. Almaty qalasynyń turǵyndary men qonaqtaryna tik qarly betkeılerge shyǵýdyń qaýipti ekendigi eskertildi.