Almaty avtomehanıka koleji «Kólikke tehnıkalyq qyzmet kórsetý, jóndeý men paıdalaný» baǵyty boıynsha mamandar daıarlaýda jetekshi oryndy ıelenip otyr.
Bul Qazaqstanda jumysqa ornalasý múmkindigi joǵary, eń suranysqa ıe baǵyttyń biri. Bilim basqarmasy men Óńirlik komýnıkasıalar qyzmeti uıymdastyrǵan baspasóz týrynda jýrnalıserge osy kolejde mamandardy qalaı daıarlap jatqanyn kórsetti, - dep habarlaıdy Aqshamnews.kz.
Kolej túlekteri elimizdiń jetekshi kompanıalarynda — iri avtoservıster men kólik kásiporyndarynda sátti jumys isteı bastady. Olardyń kópshiligi avtokólikke qatysty is-sharalar men kórmelerge qatysyp, bilikti mehanıkter, avtoelektrıkter, avtojóndeý sheberi retinde tanylyp júr. Keıbiri óziniń jeke servıs stansıasyn ashyp, tabysty qyzmet istep, elimizdiń avtokólik salasynyń damýyna úles qosyp jatyr.
«Almaty avtomehanıka kolejimen biz 20 jyldan beri tyǵyz jumys istep kele jatyrmyz. Stýdentter óte jaqsy. Birinshi kýrs stýdentteriniń ózinde-aq jaqsy áleýet bar. Bizde tájirıbeden ótip, kolejdi bitirgennen keıin jumysqa qalǵan jastar bar. Qazir bizde osyndaı bes maman jumys istep júr, jáne olar ózin jaqsy jaǵynan kórsete bildi», – deıdi «SVS-TRANS» JSHS servıs ortalyǵynyń dırektory Taıyr Nurlanov.
Kolejde modýldik-quzyrettilikke negizdelgen zamandyq oqytý ádisi engizile bstady. Stýdentter tereń teorıalyq bilimmen qatar, óndiristik oqý sheberhanalarynda jáne áleýmettik seriktestermen birge praktıkadan ótip, tájirıbe jınaıdy. Olar oqý barysynda-aq qundy tájirıbe jınaqtap, eńbek naryǵynda básekege qabiletti mamandarǵa aınalyp jatyr.
«Men bul kompanıada bir jyldan beri geometrıst bolyp isteımin. Eki jyl osy kásiporynda kásibı tájirıbeden óttim, oǵan kolej sebep boldy. Alǵashynda jaı avtomehanık bolyp istep, keıin meni geometrıst qyldy. Kolejime rızamyn, jumysym ózime unaıdy» , – deıdi Naıl Babaev.
Kolejdiń aýyz toltyryp aıtarlyqtaı jetistiginiń biri – stýdentterdiń WorldSkills qozǵalysyna qatysýy. Bul olardyń biliktiligin kórsetip, daıarlyq sapasyn dáleldeýge múmkindik. Óńirlik chempıonattarda kolej stýdentteri «Kýzovty jóndeý» men «Avtokólikti tehnıkalyq qyzmet kórsetý jáne jóndeý» quzyrettiligi boıynsha júldeli oryndarǵa ıe bolyp júr.
Kolej memlekettik qoldaýmen de qamtamasyz etilgen: tegin tamaqtaný, stıpendıa jáne tájirıbeden ótý kepildigi bar. Munyń bári stýdentterge oqýǵa tolyqtaı kóńil bólip, óz áleýetin ashýǵa jaǵdaı jasaıdy. 2025 jyldyń qazan aıynda kolejde «Avtokólik quraldaryn tehnıkalyq qyzmet kórsetý, jóndeý jáne paıdalaný» mamandyǵy boıynsha Quzyretter ortalyǵynyń saltanatty ashylýy ótedi. Bul ortalyq Almaty qalasy ákimdigi men Bilim basqarmasynyń tehnıkalyq jáne kásiptik bilim berý júıesin jańǵyrtý aıasyndaǵy qoldaýynyń arqasynda qurylyp otyr.
Quzyretter ortalyǵy avtoservıs salasynda joǵary bilikti mamandar daıarlaýǵa arnalǵan úlgili alańǵa aınalyp, sala talabyna, sondaı-aq WorldSkills halyqaralyq standarttaryna saı keletin zamandyq bilim berý baǵdarlamalaryn júzege asyrýǵa múmkindik beredi. Kolejdiń oqý-óndiristik sheberhanalarynda jetekshi kompanıalardyń ınovasıalyq jabdyqtary men kásibı qural-jabdyqtary ornatylǵan, bul stýdentterdi oqytýǵa ǵana emes, jumys istep júrgenderdiń biliktiligin arttyrýǵa da múmkindik beredi.
Ortalyqtyń negizgi baǵyttaryna avtokólikke kútim jasaý men deteılıng, syrlaý jáne kýzovtyq jumystar, dıagnostıka men tehnıkalyq qyzmet kórsetý, avtojóndeýdegi sıfrlyq tehnologıalardy engizý jatady.
Kolej oqytýshylary Estonıa, Latvıa, Fınlándıa, Ońtústik Koreıa men Qytaıda taǵylymdamadan ótti. Bul bilim men tájirıbe oqý barysyna álemdik ozyq tájirıbelerdi engizýge múmkindik berip, mamandardy daıarlaý sapasyn arttyrady.
Quzyretter ortalyǵynyń qurylýy Almatylyq avtomehanıkalyq kolejdiń Qazaqstandaǵy avtokólik salasyna arnalǵan bilikti kadrlardy daıarlaıtyn jetekshi oqý orny retindegi pozısıasyn odan ári nyǵaıtady.