QazITÝ-da ashyq aspan astynda kıno keshi ótti.
Elimizdiń joǵary oqý oryndary jańa oqý jylyn dástúrli oqý formatynda bastady. Qazaqstan ınjenerlik-tehnologıalyq ýnıversıtetiniń Jastar saıasaty departamenti de stýdenttik is-sharalardy onlaın jáne offlaın formatta júrgizip jatyr. 26 qyrkúıekte QazITÝ stýdentteri ashyq aspan aıasynda kıno tamashalaý múmkindigine ıe boldy, dep habarlaıdy Almaty-akshamy.kz atalǵan ýnıversıtettiń baspasóz qyzmetine silteme jasap.
Sharaǵa kelgen kórermen stýdentter barlyq karantındik sharalar qatań saqtalǵan. Jastar Uıymdary Komıteti men stýdenttik keńes uıymdastyrǵan kıno kórsetilimniń aldynda áleýmettik jelide saýalnama júrgizilip stýdentter ózderi kórgisi keletin kınolardy tańdapty. Eń kóp daýys jınaǵan kınony stýdentter QazITÝ fýtbol alańynda tamashalady. Kesh barysynda qyzyqty vıktorınalyq suraqtar men bı jarysy bolyp, stýdentter kóńilin kóterdi. Kıno keshine kelgen stýdentter uıymdastyrýshylarǵa rızashylyqtaryn jetkizdi.
«Apta saıyn ár túrli is-sharalar ótýde. Mysalǵa, biz «Stýdentter úıinde» turatyn qurdastarymyzben birge aldyńǵy aptada ótken «Apple fest» festıvaline qatysyp, «Eń úzdik top» nomınasıasyn jeńip aldyq. Bul joly kıno kórýge keldik. Bastysy barlyǵy stýdentter úshin tegin. Ashyq aspanda kıno kórý atmosferasy keremet boldy. Osyndaı is-sharalar aýyzbirshiligimizdi arttyryp, kóńil-kúıdi kóterip, janyńa jylylyq syılaıdy» - deıdi 2 kýrs stýdenti Aıgerim Halıeva.
«Men Aqtóbe qalasynan keldim. Almatynyń tabıǵaty erekeshe áser qaldyrdy. Sonyń ishinde bizdiń ýnıversıtetimiz ekologıalyq taza aýdanda ornalasqan. Alataýdan esken salqyn samalmen tynystap ashyq aspan astynda kıno kórip keremet áser aldyq. Uıymdastyrýshylarǵa rahmet!» - dep 1 kýrs stýdenti Hazretáli Amandyqov óz pikirin bildirdi.
«Biz Jastar uıymdary komıtetiniń belsendilerimen birgip, ár juma saıyn ashyq aspan astynda is-shara ótkizýdi josparladyq. Oqý jylynyń basynan beri bul taza aýada uıymdastyrylǵan úshinshi sharamyz. Qazirgi tańda karantın ýaqyty bolǵandyqtan, burynǵydaı kóp adamdy jınap mekeme ishinde keshter uıymdastyrýǵa bolmaıdy. Sol sebepti biz taza aýada ótkizý formatyn tańdadyq. Stýdentterdiń barlyǵy maskalyq rejımdi saqtaýyn qadaǵalaımyz. Aldaǵy josparymyzda stýdenttik kvest «Autumn party» jáne ár túrli tımbıldıngter bar», - deıdi Jastar saıasaty departamentiniń mamany Merýert Bataı.