Almaty Qalalyq kardıologıalyq ortalyǵy resmı túrde júrek transplantasıasyn júrgizýge ýákiletti medısınalyq uıymdar tizimine engizildi. Bul týraly Almaty qalasy Qoǵamdyq densaýlyq saqtaý basqarmasynda habarlady.
Atalǵan sheshimdi Densaýlyq saqtaý mınıstrliginiń Transplantasıa jáne joǵary tehnologıalyq medısınalyq qyzmetterdi úılestirý jónindegi respýblıkalyq ortalyq pen «University Medical Center» (UMC) korporatıvtik qory birlesip qabyldaǵan.
Ortalyqta mundaı joǵary kúrdeli otany oryndaý úshin barlyq jaǵdaı jasalǵan: joǵary bilikti kardıohırýrg, anestezıolog pen reanımatolog mamandar jumys isteıdi, zamanaýı dıagnostıkalyq jáne emdeý ádisteri engizilgen, halyqaralyq standarttarǵa saı joǵary tehnologıalyq jabdyq ornatylǵan.
Qoǵamdyq densaýlyq saqtaý basqarmasynyń málimetinshe, Qalalyq kardıologıalyq ortalyqtyń transplantasıalyq ortalyqtar tizimine engizilýi - otandyq kardıohırýrgıanyń damýy jolyndaǵy mańyzdy qadam. Bul Almatyda asa kúrdeli otany oryndaýǵa múmkindik berip, pasıentterdiń joǵary tehnologıalyq medısınalyq kómekke qoljetimdigin arttyrýǵa jáne onyń sapasyn kóterýge yqpal etedi.