Almaty polısıasynyń qyzmetkerleri qala turǵyndaryna konsert uıymdastyrdy.
Ashyq aspan astyndaǵy konsert Qazaqstan polısıasy kúnine oraı uıymdastyryldy, dep habarlaıdy Almaty-akshamy.kz Polisia.kz-ke silteme jasap.
Bul keshte qalanyń polısıa departamenti ansambliniń solıseri belgili halyqtyq, patrıottyq jáne estradalyq shyǵarmalardy oryndady. Kórermender ózderine tanys áýenderdi tyńdap, án yrǵaǵymen rahattana bıledi.
«Búgin Qazaqstan polısıasy kúni qarsańynda PD ansambliniń ártisteri men qyzmet ókilderi mazmundy konserttik baǵdarlama, sondaı-aq jedel qımyldaıtyn arnaıy jasaǵynyń jaýyngerleri men kınolog-mamandar qyzmettik-izkesýshi ıttermen tamasha qoıylymyn uıymdastyrdy. Júzdegen azamat aýqymdy qozǵalystyń belsendi qatysýshylary boldy, sol arqyly bizdiń bastamamyzdy qoldady. Azamattar polısıa qyzmetkerleriniń jaqsy fızıkalyq daıyndyǵy jáne olardyń shyǵarmashylyq qabiletterin óz kózderimen kórdi. Osy qasıetterdiń barlyǵy bizdiń jedel-qyzmettik mindetterimizdi oıdaǵydaı oryndaýǵa oń áserin tıgizip jatyr», – dedi Almaty qalalyq polısıa departamenti bastyǵynyń orynbasary Oljas Myrzabekov.
Almaty polısıa departmentiniń ansambli 1963 jyly qurylǵan. Mine, 60 jyldan beri bul ujym mýzykalyq jáne poetıkalyq óneri arqyly jeke quramdy qyzmettik jáne azamattyq boryshqa adaldyqqa, týǵan jerine degen súıispenshilikke tárbıeleýge, bólimshelerde salaýatty moraldyq-psıhologıalyq ahýaldy, berik qyzmettik tártipti qalyptastyrýǵa, qyzmetkerlerdiń adamgershilik qasıetteri men estetıkalyq talǵamy bıik adamdy qalyptastyrýǵa atsalysyp keledi.