TJM-niń 37 kınologıalyq eseptoby sertıfıkattaý synaqtarynan ótedi
2023 jyldyń 15 mamyrynda Almaty oblysynyń Tamǵaly Tas shatqalynda ornalasqan "Jartasty qala-Astana" oqý – jattyǵý polıgonynda Qazaqstan Respýblıkasy TJ vıse-mınıstri M. M. Kúldikovtyń basshylyǵymen "Qazqutqarý-2023" halyqaralyq jıyn-semınarynyń 1-shi kezeńi saltanatty túrde ashyldy, dep habarlaıdy Almaty-akshamy.kz.
Jıyn-semınar aıasynda 15-16 mamyr aralyǵynda dala jaǵdaıynda elimizdiń barlyq óńirlerinen 45 eriktini tarta otyryp, TJ-ǵa den qoıý salasyndaǵy eriktilerdiń respýblıkalyq forýmy ótedi.
Halyqaralyq Azamattyq qorǵanys uıymynyń qoldaýymen 15-18 mamyrdan bastap Qazaqstan tótenshe vedomstvolary qyzmetkerlerinen - 45 adam, Qyrǵyzstannan – 2, Tájikstan – 2 jáne Ózbekstannan – 2 adamnyń qatysýymen TJ aldyn alý jáne joıý jónindegi mindetterdi oryndaý úshin pılotsyz avıasıany qoldaný boıynsha master – trenıń jáne jarystar, sondaı-aq 45 qyzmetkerinen turatyn Qazaqstan jáne 2 qyzmetkerden turatyn Qyrǵyzstan, Tájikstan jáne Ózbekstan tótenshe vedomstvolarynyń kınologıalyq eseptoptaryna arnalǵan master-trenıng ótkiziledi.
22-24 mamyr aralyǵynda tótenshe jaǵdaılar kezinde zardap shekkenderdi izdeý daǵdylaryn tekserý úshin TJM-niń 37 kınologıalyq eseptoby sertıfıkattaý synaqtarynan ótedi.
Sonymen qatar sheteldik mamandar tótenshe jaǵdaılardy joıý bólimsheleriniń qyzmetkerleri úshin teorıalyq jáne praktıkalyq sabaqtar uıymdastyrady, oblystyq TJ departamentteriniń barlyǵy 20 qyzmetkeri jumyldyrylady.
Barlyq semınarlar men trenıńterge Halyqaralyq Azamattyq qorǵanys uıymy men Tótenshe jaǵdaılar jáne tabıǵı zilzalalardyń qaýpin azaıtý ortalyǵynyń qoldaýymen Tótenshe jaǵdaılardy joıý boıynsha úlken tájirıbesi bar halyqaralyq mamandar tartyldy.
Jalpy, "Jartasty qala-Astana" oqý-jattyǵý polıgony - qutqarý jumystarynyń barlyq túrlerin júrgizýge ámbebap beıimdelgen TMD-ǵy jalǵyz polıgon. Munda 20 myńnan astam qutqarýshy qaıta daıarlaýdan ótti, jyl saıynǵy kınologıalyq qyzmet sertıfıkattaryn alady, súńgýirler men álpınıser óz sheberlikterin jetildiredi, qutqarý avıasıasy pılottyq daǵdylaryn pysyqtaıdy, el óńirlerinen qutqarýshylar paıdaly aqparatpen almasady, jumys tájirıbesi men qutqarý tehnologıalarymen bólisedi.
Jıyn-semınardyń birinshi kezeńi túrki memleketteri uıymy elderiniń tótenshe vedomstvolary qutqarýshylarynyń biliktiligin arttyrý jónindegi halyqaralyq oqý – jattyǵýlarǵa daıyndyq is-sharalarynyń bir bóligi bolyp tabylady, aǵymdaǵy jyldyń qyrkúıek aıynda "Jartasty qala-Astana"polıgony bazasynda josparlanǵan.