Oblysta koronavırýsqa qarsy vaksınanyń birinshi dozasyn 513 109 adam alǵan.
Almaty oblysynyń sanıtarlyq-epıdemıologıalyq baqylaý departamentiniń málimetinshe, bul kórsetkish osy óńirdegi jurtshylyqtyń 42%-yn quraıdy, dep habarlaıdy Almaty-akshamy.kz
Atalmysh basqarmanyń boljaýynsha, qyrkúıek aıynyń sońyna deıin jetisýlyqtardyń 60%-y ekpe alady. Vaksına alý – pandemıany toqtatýdyń jalǵyz joly. Almaty oblysynda epıdemıologıalyq ahýal nasharlaýda, oblys «qyzyl» aımaqta tur.
«2020 jyldyń naýryz aıynan beri óńirde koronavırýstyń 29 872 rastalǵan kórsetkishi tirkelgen. Olardyń 19 167-si – sımptommen. Sońǵy aptada Alakól, Balqash, Eńbekshiqazaq, İle, Qarasaı, Qaratal, Raıymbek, Talǵar aýdandarynda ósim qarqyny baıqalýda. Sońǵy táýlikte 178 KVI jaǵdaıy tirkelgen. «Delta» shtamy eki adamnan anyqtaldy», - dedi Almaty oblysy sanıtarlyq-epıdemıologıalyq baqylaý departamentiniń baspasóz hatshysy Álıa Shaǵıahmet.