Bes mınýttyq jıilik: Almaty metropolıteninde qosymsha quram jelige shyǵaryldy
Jolaýshylar aǵynyn saraptaý nátıjesinde Almaty metropolıteninde jyljymaly quram sany kóbeıtildi, dep habarlaıdy Almaty-akshamy.kz
Endi qarbalas ýaqytta jelide 11 quram 5 mınýt 38 sekýnd jıilikpen qyzmet kórsetetin bolady.
Oqý jylynyń bastalysymen jolaýshylar aǵyny 70 myńnan 90 myńǵa deıin ósti. Taldaý nátıjesinde jolaýshylar sany kúnine 100 myńǵa deıin kóbeıgendigi eskerilip, jelige qosymsha quram shyǵarý týraly sheshim qabyldandy.
Ár quram jalpy syıymdylyǵy 900 adamnan asatyn 4 vagonnan turady.
Eske sala keteıik, Almaty metropolıteni 2011 jylǵy 1 jeltoqsanda iske qosyldy, qazirgi kezde 11 stansıa bar. Ári qaraı 4 stansıanyń qurylysy boıynsha jumystar júrgizilip jatyr.