TJD jer silkinisi kezindegi is-qımyl tártibin eskertti.
QR Bilim jáne ǵylym mınıstrligine qarasty «Seısmologıalyq tájirıbe-ádistemelik ekspedısıasy» memlekettik mekemesiniń seısmıkalyq stansalar jelisi 19 qyrkúıek kúni 09 saǵat 01 mınýtta jer silkinisin tirkedi, dep habarlaıdy Almaty-akshamy.kz.
Almaty oblysy TJ Departamenti aqparatty alǵannan keıin jergilikti atqarýshy organdarǵa, polısıa departamentine, Qazseldenqorǵaý departamentine, prokýratýraǵa jáne basqa da uıymdarǵa habarlandy. Senip tapsyrylǵan aýmaqtardaǵy jaǵdaı naqtylanýda, qıraýlar men qurbandar týraly habarlama túsken joq.
«Jer silkinisiniń oshaǵy Almatydan soltústik-shyǵysqa qaraı 187 km qashyqtyqta, Qazaqstan aýmaǵynda ornalasqan. Zilzalanyń energetıkalyq klasy 8.1. Magnıtýdasy 3.7. MPV. Baǵyty 44.73°s.e. 77.89° sh.b. Tereńdigi - 15 shaqyrym. MSK-64 baǵany boıynsha sezilý týraly aqparat joq», - delingen habarlamada.
Almaty oblysynyń TJD jer silkinisi kezindegi is-qımyl tártibin eske salady:
- ǵımarattan shyǵyńyz (sizdiń ıeligińizde 15-20 sekýnd);
- aldyńǵy esiktiń sańylaýynda turyńyz nemese balalardy ózińizge qaratyp, kúrdeli qabyrǵalardyń buryshynan oryn alyńyz;
- eshqandaı jaǵdaıda tereze janynda turmańyz jáne balkondardan sekirmeńiz.
- ǵımarattardan, qurylystardan, baǵanalar men qorshaýlardan alysyraq turyńyz;
- úıge kirmeńiz: dúmpýler qaıtalanýy múmkin;
- lıftilerdi paıdalanbańyz;
- sirińke, sham jaqpańyz:
- antena kabeline, symdarǵa tıispeńiz;
- zardap shekkenderge alǵashqy kómek kórsetińiz.