Erbolat Dosaev 28-30 mamyr aralyǵynda qalada Sh. Ýálıhanov atyndaǵy alańda ótip jatqan «Almaty kitap jármeńkesi» atty kitap jármeńkesinde boldy.
Aýqymdy mádenı is-sharanyń uıymdastyrýshylary Almaty ákimdiginen basqa Mádenıet jáne sport mınıstrligi men Ulttyq memlekettik Kitap palatasy bolyp tabylady.
Kitap jármeńkesiniń ashylýyna QR Mádenıet jáne sport mınıstri Dáýren Abaev, Qazaqstan Jazýshylar odaǵynyń tóraǵasy Ulyqbek Esdáýlet jáne basqa da ádebıet pen mádenıettiń kórnekti ókilderi qatysty.
Kitap jármeńkesine 50-den astam otandyq baspalar men kitap dúkenderi, sondaı-aq Qyrǵyzstan men Reseıden kelgen delegasıalar qatysýda. Kórme-jármeńkeniń qonaqtary kitap naryǵynyń jańalyqtarymen tanysýǵa, avtorlarmen kezdesýge jáne qoltańba sesıalary aıasynda qol qoıylǵan týyndylardyń danalaryn alýǵa múmkindik aldy.
İs-shara aıasynda merekelik konsert, jazýshylar men aqyndardyń túrli shyǵarmashylyq nómirleri josparlanǵan. Megapolıs qonaqtary men turǵyndary zıatkerlik vıktorınalarǵa qatysa alady, jeńimpazdarǵa kitaptar beriledi.
Jármeńkede Qazaqstan Respýblıkasy Ulttyq memlekettik Kitap palatasynyń «Sırek kitaptar men qoljazbalar murajaıy» eksponattary usynylady. Barlyq tilek bildirýshilerdiń XIX ǵasyrdyń aıaǵy men XX ǵasyrdyń basynda jaryq kórgen Alash qozǵalysynyń kórnekti qaıratkerleriniń biregeı kitaptarymen tanysýǵa múmkindigi bar.
Jármeńke ótetin kúnderi baspa isin, kitap satýdy, zamanaýı balalar ádebıetin damytý boıynsha dóńgelek ústelder ótedi, onda mamandar osy máselelerdi egjeı-tegjeıli talqylaıdy.