Memleketimizdiń basshysy Qasym-Jomart Toqaevtyń Qazaqstan halqyna joldaǵan «ÁDİLETTİ MEMLEKET. BİRTUTAS ULT. BEREKELİ QOǴAM» atty Joldaýynda elimizdiń damý baǵdarynyń negizgi baǵyttary naqty belgilenip, júrgiziler reformalar aıqyndalǵan.
Sonyń ishinde, ásirese, áleýmettik saladaǵy baǵyttarǵa basty nazar aýdarylǵan.
Densaýlyq saqtaý salasynyń uıymdastyrýshysy, dáriger retinde men úshin osy Joldaýdaǵy áleýmettik salany damytýǵa baǵyttalǵan reformalardyń óte mańyzdy jáne ony qoldaıtynymdy aıtqym keledi.
Atap aıtqanda, medısına salasyn barynsha qajetti deńgeıde qarjylandyrý, bilim berý sapasyn jetildirý, zeınetaqy júıesin jańǵyrtý, «Balalar jyly» aıasynda «Ulttyq qor – balalarǵa» atty jańa baǵdarlamany júzege asyrý, balalardyń arnaýly jınaqtaýshy esepshotynyń ashylýy sıaqty halyqtyń ómir súrý deńgeıin kóterýge arnalǵan.
Máselen, dárigerlik iste búgingi kúni eń negizgi resýrs, ol – bilikti maman. Joǵary tehnologıa damý barysynda, jasalyp jatqan operasıa, prosedýralar da damyp jatyr. Osy oraıda, qazirgi tańda arnaıy mamandandyrylǵan profıldi dárigerlerdi daıarlaý suraǵy týyndap otyr. Dál osy máseleni sheshetin jol – rezıdentýrada jalpy tájirıbeli dárigerdi tereńdetilgen arnaıy daıarlaý. Joldaýda 3 jylda rezıdentýrada bilim alý kólemin 70%-ǵa deıin kóterý. Qazirgi tańda Almaty ákimdigi basqa aımaqtarmen salystyrǵanda eń kóp bilim grantyna qarjylandyrý bólip otyr, tapsyrys kólemin Joldaý negizinde odan da joǵarylatsa, qalamyzdyń profıldi maman tapshylyǵyn tezirek joıýǵa, saldarynda, densaýlyq saqtaý isiniń sapalyq damýyna ákeletinin túsinemin. Sonymen qatar, Prezıdentimiz óz Joldaýynda: «Qýatty ulttyń dińgegi – halyq. Eń bastysy, azamattarymyzdyń densaýlyǵy myqty, bilimi tereń bolýy kerek» ekendigi ataldy, bul elimizdiń árbir azamatynyń, árqaısymyzdyń qoǵam aldyndaǵy jaýapkershiligimiz, urpaq aldyndaǵy mindetimiz, óz ómirimizdegi basty dástúrimiz bolýy kerek dep oılaımyn.
Sondyqtan qymbatty qazaqstandyqtar, barlyǵymyz óz jeke basymyz, januıamyz, ujymymyzda osy prınsıpterdi ustanýǵa shaqyramyn!