Ózgeristerdi jan-jaqtan qoldaýmyz kerek
Memleketimiz jańa damý kezeńin bastady. Biz dana Abaı qalaǵan rýhanı jolǵa bastap baramyz. «Ádiletti memleket. Birtutas ult. Berekeli qoǵam». Jańa táýelsiz uranymyz jarıalanyp, jolymyz aıqyndaldy.
Aldymyzda konstıtýsıalyq reforma, jańa, ádiletti Qazaqstandy qurý jolyndaǵy asa mańyzdy qadam kútip tur. Elimizdegi saıası jańǵyrý endi ekonomıkalyq úlken ózgeristerge ulasady dep oılaımyn. Ekonomıkaǵa baılanysty usynystar kóp. Men olarǵa toqtalmaı-aq qoıaıyn.
Qazirgideı kúrdeli geosaıası jaǵdaıda memlekettiń ishki saıası reformalarynyń ornyqtylyǵy – óte mańyzdy másele. Prezıdent Joldaýyndaǵy jańa saıası praktıka, jańa saıası dástúr – jarıalylyq prınsıpine úlken kóńil bólinip otyr. Saıası reformalar baǵdarlamasynda saılaý júıesin jetildirý, saılaý úderisin jańǵyrtý, partıa júıesin damytý múmkindikterin keńeıtý sekildi máseleler óz sheshimin tabady. Bıyl kezekten tys Prezıdent saılaýy ótedi. Osy saıasy reformalardyń qajettigin bárimiz túsinip jatyrmyz. Bul memleketimizge, bárimizge jáne táýelsizdigimiz úshin qajet dep oılaımyn. Ózgeristerdi jan-jaqtan qoldaýmyz kerek. Óte kúrdeli tarıhı kezeń ekenin bárimiz bilip turmyz.
«Men úshin memleket múddesi bárinen bıik! Memleketimizdi qorǵaý – men úshin asa mańyzdy mindet. Osy jolda jaýapkershiliktiń bárin moınyma alýǵa daıynmyn!», – dep túıindedi Memleket basshysy. Eń bastysy – sol dep esepteımin.
Usynystar kóp. Sonyń ishinde Ulttyq qordan túsken tabysty balalarǵa bólip berý jáne zeınetke shyǵý jasyn ósirýdi toqtatý da óte mańyzdy. Densaýlyq saqtaý máselesine erekshe kóńil bólinip otyr. Joldaýdyń basynda jastarǵa qoldaý bildirip jatyr. Jastarǵa erekshe jol berýimiz kerek. Qazirgi jastardyń alǵa umtylysy jaqsy. Jalpy, Joldaý – oń ózgeristerdiń bastaýy.