25 myń tapsyrys rásimdeldi.
Eńbek mınıstrliginiń mamandary áleýmettik qyzmetter portaly arqyly alynǵan qyzmet týraly aqparat berdi, dep habarlady Almaty-akshamy.kz.
Mamandardyń aıtýynsha, jyl basynan beri Áleýmettik qyzmetter portaly arqyly shamamen 85,5 myń múgedektigi bar adam ońaltýdyń tehnıkalyq quraldaryn, 7,1 myńy – ymdaý tili qyzmetin, 33,5 myńy – jeke kómekshiniń qyzmetin alǵan. Sondaı-aq, portal arqyly kepildik berilgen áleýmettik toptamalarǵa 25 myń tapsyrys rásimdelgen.
«Portal múgedektigi bar adamdarǵa ońaltýdyń tehnıkalyq quraldary men qyzmetterin óndirýshini jáne jetkizýshini óz betinshe tańdaýǵa múmkindik beredi. Kómek túrine tapsyrys berý kórsetiletin qyzmetti alýshynyń elektrondyq sıfrlyq qoltańbasymen rastaý arqyly júzege asyrylady. Tapsyrys berilgen ońaltýdyń tehnıkalyq quraldaryn jetkizý nemese óz betinshe áketý arqyly alýǵa bolady», - delingen Eńbekmıni baspasóz qyzmetiniń habarlamasynda.
Múgedektigi bar adamdardy ońaltý quraldarymen qamtamasyz etý protezdik-ortopedıalyq, sýrdotehnıkalyq, tıflotehnıkalyq jáne gıgıenalyq quraldar, sondaı-aq kreslo-arbalar berýdi qamtıdy.
Búgingi kúni portalda arnaýly áleýmettik qyzmetter kórsetetin 816 medısınalyq-áleýmettik mekeme (bólimsheler), 200 OTQ jetkizýshi, 17 myńnan astam jeke kómekshi, 302 ymdaý tilin qyzmetin, 92 sanatorlyq-kýrorttyq emdeýdi, 146 kepildik berilgen áleýmettik toptamany jetkizýshiler tirkelgen.
«Áleýmettik qyzmetter portaly» avtomattandyrylǵan aqparattyq júıesin engizý Múgedektigi bar adamdardyń quqyqtaryn qamtamasyz etý jáne ómir súrý sapasyn jaqsartý jónindegi ulttyq jospar sheńberinde qarastyrylǵan.
Qoldaýǵa arnalǵan baılanys ortalyǵyna 1414 biryńǵaı nómirine qońyraý shalyp, tildi tańdaý jáne 5 sanyn basý arqyly Portaldy paıdalaný boıynsha keńes alýǵa bolady.