Digital Bridge halyqaralyq tehnologıalyq forýmynda QR Saýda jáne ıntegrasıa mınıstri Baqyt Sultanov azamattyń sıfrlyq «áleýmettik ámıany» jobasynyń iske asyrylýy týraly aıtyp berdi, dep habarlaıdy almaty-akshamy.kz vedomstvonyń baspasóz qyzmetine silteme jasap.
Mınıstrdiń aıtýynsha, «áleýmettik ámıan» áleýmettik tólemderdi esepteý rásimin jeńildetýge, áleýmettik qoldaý prosesin jetildirýge, sondaı-aq búdjet qarajatynyń shyǵysyn ońtaılandyrýǵa múmkindik beredi.
Sondaı-aq, Baqyt Sultanov olardyń JSN bazasynda qurylatyn azamattarǵa «áleýmettik ámıan» ashylatyny jáne qosymsha arqyly taýarlarǵa tólem qalaı júrgiziletini týraly aıtyp berdi.
Sonymen, ol tıisti áleýmettik tólem alynǵan kezde iske qosylatynyn aıtty. Odan basqa, qosymshada azamat QR kod arqyly tóleı alady nemese tańdalǵan bank arqyly áleýmettik tólemderdi qolma-qol aqshaǵa aınaldyrady.
Al azyq-túlikti tóleý úshin «áleýmettik ámıandy» paıdalanatyn azamat qosymshaǵa kirip, «QR tólem» opsıasyn tańdaý qajet.
Osydan keıin satýshy QR kody bar termınaldy usynady, satyp alýshy osy QR kodty qosymshadan skanerleıdi jáne tólemdi rastaıdy. Osylaısha, birizdendirilgen QR kod arqyly taýarlar men qyzmetter úshin tólem qabyldanady.
Esterińizge sala keteıik, «áleýmettik ámıan» pılottyq jobasyn jeltoqsan aıynda iske qosý josparlanyp otyr.