Albanıada memlekettik satyp alýlardy qadaǵalaıtyn jasandy ıntellekt-mınıstr qyzmetke kiristi, - dep habarlaıdy Aqshamnews.kz.
Ol Diella dep atalady (alban tilinde «kún» degen maǵynany bildiredi). Politico-nyń habarlaýynsha, bul týraly eldiń premer-mınıstri Edı Rama málimdegen.
Ramanyń aıtýynsha, memlekettik tenderler boıynsha sheshimder kezeń-kezeńimen mınıstrlikterden Diella-nyń quzyryna beriledi.
«Nátıjesinde Albanıa memlekettik tenderleri 100% sybaılas jemqorlyqtan arylǵan elge aınalady. Barlyq memlekettik qarajat ashyq ári tolyqtaı baqylaýda bolady. Bul — ǵylymı fantasıka emes», — dedi premer.
Jasandy ıntellekt Diella-ny alban halqy jaqsy tanıdy. Ol qazirdiń ózinde ulttyq elektrondy memlekettik qyzmetter júıesi — e-Albania-ny basqaryp otyr.
Jasandy ıntellekttiń avatarynda dástúrli alban kıimindegi jas qyz beınelengen.