Jyl basynan beri elimiz 23 mln tonna kómir eksporttaǵan
Jańa satyp alýshylar qatarynda Ulybrıtanıa, Koreıa, Marokko, Úndistan, Bolgarıa bar. Birikken Koróldikke 192 myń tonnaǵa jýyq kómir jóneltilgen. Al Túrkıa, Polsha, Ózbekstan, Shveısarıa, Qytaı syndy memleketter tapsyrys kólemin ulǵaıtqan, dep habarlaıdy almaty-akshamy.kz
Qazir elimizde 34 mlrd tonnaǵa jýyq qatty otyn qory bar. Osylaısha Qazaqstan úzdik ondyqqa kirip otyr. Otandyq kómir kásiporyndary bıylǵy jyldyń toǵyz aıynda 79 mln tonnadan astam kómir óndirgen. Bul ótken jylǵy sáıkes kezeńdegiden shamamen 1,5% kóp.
«Eýropada gaz baǵasy ósti. Endi olar energıanyń arzan túrlerin izdeıdi. Eýropada ǵana emes, basqa da birqatar memlekette kómir shahtalaryn qaıta ashý jumystary júrgizilýde. Endi bizge ony qaı elge jáne qalaı sata alý jaǵyn oılaý qajet. Bul jerde Úkimettiń kómegi qajet. Óıtkeni kómir jetkizý múmkindikterin izdestirý kerek», - deıdi Taý-ken óndirýshi kásiporyndary qaýymdastyǵynyń atqarýshy dırektory Nıkolaı Radostoves.