BUU deregine sáıkes, damýshy elderdiń 40 prosenti qarjy daǵdarysyna ushyrap, qaryzǵa batqan.
Onyń ústine bul memleketter qyrýar qarajatty joǵary prosentpen qaıtarýǵa májbúr. Máselen, afrıkalyq memleketter halyqaralyq uıymdardan alǵan qaryzyn AQSH-qa qaraǵanda 4 ese kóp qaıtarady, dep habarlaıdy Almaty-akshamy.kz 24.kz-ke silteme jasap.
Halyqaralyq uıymnyń hatshysy Antonıý Gýterrıshtiń aıtýynsha, bul ádiletsizdik. Koronavırýs pandemıasy kezinde kóp elder qosymsha qarajat alýǵa májbúr bolǵan edi. Endi olardyń qaryzy kún sanap artyp barady.
«Qazir álemniń jartysy memlekettik qaryzyn tóleı almaı tyǵyryqqa tireldi. Adamdar bilim alý nemese densaýlyǵyn saqtaýdy oılaýdyń ornyna nan tabýdyń amalyn izdep álek. 3 jarym mlrd jýyq adam osyndaı qaryzǵa batqan elderde turady. Bul memleketterdiń ınvestısıa tartýy, balamaly energıa kózderine kóshýi ekitalaı», - deıdi BUU bas hatshysy Antonıý Gýterrısh.