COVID-19 ınfeksıasynan álemde vırýs tarala bastaǵannan beri 5 574 351 adam qaıtys boldy.
Amerıkalyq Djons Hopkıns ýnıversıtetiniń málimetteri boıynsha, juma kúni tańerteń álemde COVID-19 koronavırýsyn juqtyrǵandar sany 342 596 024-ke jetti, dep habarlaıdy Almaty-akshamy.kz INTERFAX.RU saıtyna silteme jasap.
20 mıllıonnan astam COVID-19 juqtyrǵan kórsetkishi bar elderge AQSH, Úndistan jáne Brazılıa kiredi.
Ýnıversıtettiń aıtýynsha, juqtyrǵandar men qaıtys bolǵandar sany boıynsha Amerıka Qurama Shtattary alda tur, onda COVID-19 juqtyrǵan 69 308 600 adam anyqtaldy. Qaıtys bolǵandar sany 860 248 adam.
Úndistan indet juqtyrǵandar sany boıynsha ekinshi orynda tur, onda COVID-19 rastalǵan jaǵdaılarynyń sany 38 566 027-ge jetti, elde vırýsty juqtyrýdyń saldarynan qaıtys bolǵandar sany 488 396.
COVID-19 juqtyrǵandar sany boıynsha úshinshi orynda Brazılıa, ol elde 23 595 178 adam kvı juqtyrǵan, onyń 622 476-sy qaıtys bolǵan.
Álemdegi mańyzdy oqıǵalardyń statısıkasyna mamandanǵan Worldometer portalynyń málimeti boıynsha, juma kúni tańerteń jer sharyndaǵy 1 mıllıon adamǵa shaqqandaǵy ólim kórsetkishi 717,6 boldy. AQSH-ta 1 mıllıon turǵynǵa shaqqanda 2646 adam, Úndistanda – 349, Brazılıada – 2895 adam qaıtys boldy.