Prezıdent: Ulttyq tabysty bólýdiń aıqyn teńgerimsizdigi baıqalady ári ádildik jaǵynan másele bar
Memleket basshysy 162 adam el baılyǵynyń jartysyn ıelengenin, sondyqtan jaǵdaıdy shuǵyl ózgertý qajet ekenin aıtty, dep habarlaıdy Almaty-akshamy.kz
Toqaev ulttyq tabys boıynsha 2020 jyly bıznes eń joǵary úleske ıe ekenin, ol 61,5 paıyz bolatynyn málimdedi. Salyqtyń úlesi 7,3 paıyzdy qurasa, qazaqstandyqtardyń jalaqysy úshten bir bóligine de jetpeıdi.
«Bul – óte az. Mysaly, Reseıde osyndaı ekonomıka bolǵanyna qaramastan, jalaqy 46,7 paıyz bolady, ıaǵnı bizden 1,5 ese kóp. Ulttyq tabysty bólýdiń aıqyn teńgerimsizdigi baıqalady ári ádildik jaǵynan másele bar.
Halyqaralyq sarapshylar, sonyń ishinde KPMG, 162 adamǵa baılyqtyń teń jartysy tıesili ekenin rastaıdy. Al halyqtyń jartysynda kiris 50 myń teńgeden aspaıdy. Bul jylyna 1300 dollardan sál asady. Mundaı tabysqa ómir súrý múmkin emes, jaǵdaıdy shuǵyl túrde ózgertý kerek», - dedi Prezıdent bıznes ókilderimen kezdesýde.