Alekseı Soı Ońtústik Qazaqstan memlekettik akademıasyn bitirgen. Medısına ǵylymdarynyń doktory, medısınadaǵy iskerlik ákimshilendirý doktory.
Ol buǵan deıin dáriger-endoskopıst, «Eýroazıalyq respıratorlyq qoǵam» qoǵamdyq birlestiginiń bas hatshysy, QR Prezıdenti İs Basqarmasy medısına ortalyǵynyń bastyǵy, Astana qalasy № 1 qalalyq aýrýhanasynyń bas dárigeri, QR Densaýlyq saqtaý jáne áleýmettik damý vıse-mınıstri, QR densaýlyq saqtaý mınıstri qyzmetin atqardy.
Sondaı-aq búgin Rýstam Albaev QR Prezıdenti İs Basqarmasynyń medısına ortalyǵy aýrýhanasynyń dırektory bolyp taǵaıyndaldy.
Rýstam Albaev - Aqmola memlekettik medısına akademıasynyń túlegi. Medısına ǵylymdarynyń kandıdaty, medısınadaǵy iskerlik ákimshilendirý magıstri, «Bolashaq» baǵdarlamasynyń stıpendıaty.
Ol buryn qalalyq aýrýhanalarda dáriger-hırýrg, dáriger-kardıohırýrg bolyp istedi, tótenshe jaǵdaı kezinde Shymkent qalasy densaýlyq saqtaý basqarmasy basshysynyń mindetin atqarýshy boldy.
QR PİB medısına ortalyǵynyń emdeý-aldyn alý kómegin uıymdastyrý basqarmasynyń basshysy, QR PİB İs Basqarmasynyń medısına máseleleri jónindegi bas ınspektory, QR PİB medısına ortalyǵynyń ortalyq klınıkalyq aýrýhanasynyń dırektory qyzmetin atqardy.
Sýret: Informburo.kz