Almatyda 2024 jyldyń sońyna deıin qala mańyna qatynaıtyn 20 jańa baǵyt ashylady
Kólik baılanysyn jaqsartý jáne qala mańy turǵyndaryn qoǵamdyq kólikpen qamtamasyz etý maqsatynda «Almaty qalasyn damytýdyń 2025 jylǵa deıingi baǵdarlamasyn jáne 2030 jylǵa deıingi orta merzimdi perspektıvalaryn» iske asyrý jónindegi Jol kartasyna sáıkes, 2024 jyldyń sońyna deıin qala mańyna qatynaıtyn 20 jańa marshrýt uıymdastyrý josparlanyp otyr. Mundaı sheshimdi depýtattar Almaty qalasy Máslıhatynyń kezekten tys Hİ sesıasynda qabyldady.
2023 jyldyń sońyna deıin qala mańyna qatynaıtyn 10 jańa marshrýt uıymdastyrýdy josparlaǵan, qazir onyń 9-y ashyldy:
- № 216 Talǵar aýdany Dáýlet kenti-Almaty 1 vokzaly
- № 223 Týǵanbaı kenti, Nura Talǵar aýdany-Almaty 1 vokzaly
- № 232 Sultan kesheni, Tuzdybastaý kenti-Almaty 2 vokzaly
- № 233 Qaroı kenti İle aýdany - Saıahat avtovokzaly
- № 234 Elaman kenti-Jetisý bazary
- № 235 Isaev-Soltústik aınalma joly Sálem bazary
- № 236 Qarǵaly kenti Jambyl aýdany-Tóle bı Iassaýı
- № 240 Batyr kenti İle aýdany-Adem SÚ
- № 247 Myńbaev kenti Jambyl aýdany-Tóle bı Iassaýı
-
№244 marshrýtty tasymaldaýshylardyń jyl sońyna deıin jańa avtobýstar satyp alýyna qaraı ashý josparlanýda.
Sonymen qatar, №9, №89, №97 jańa qalalyq marshrýttar ashyldy.
Qashyqtyqqa baılanysty qoldanystaǵy 2 marshrýttyń sqemasy bólindi:
- №20 marshrýt № 20 jáne № 58 marshrýttarǵa bólingen;
- №115 marshrýt № 115 jáne № 136 marshrýttarǵa bólingen.
Sonymen qatar, jyl sońyna deıin №27-marshrýt №27, 76-marshrýttarǵa bólinedi, tasymaldaýshylardyń jańa avtobýstar satyp alýyna qaraı uıymdastyrý josparlanýda.
Almaty qalasynyń temirjol kóligi salasyndaǵy áleýmettik mańyzy bar qala mańyndaǵy jolaýshylar qatynastarynyń tizbesine ózgerister engizildi. Máselen, Almaty qalasy Máslıhatynyń sheshiminde zańdy naqtylaý úshin qozǵalys ataýy men sqemasy (Almaty-2 stansıasyna deıin uzartý) «Qazybek bek-Almaty-2-Qazybek» bolyp ózgertiledi.
Esterińizge salsaq, 2017 jyly «Almaty-1 TJ-Uzynaǵash stansıasy-Almaty-1 TJ» baǵytynda áleýmettik mańyzy bar elektr temirjol baǵyty uıymdastyrylǵan bolatyn.