Osy bastama qalamyzdaǵy júzdegen aǵashty saqtap qalýǵa septigin tıgizdi.
Alatay Aqparat jýrnalıseri bastaǵan Almatydaǵy jasyl alqaptardy sýarý men kútip-baptaý chellendji qarqyn alýda. Búginde oǵan basqa da kásiporyndar men mekemelerdiń qyzmetkerleri, túrli mamandyq ıeleri, tipti qarapaıym azamattar da qosyldy, dep habarlaıdy Almaty-akshamy.kz
Buryn habarlanǵanymyzdaı, erekshe ystyq kúnderi «Vechernıı Almaty», «Almaty Aqshamy» redaksıalary men Almaty-akshamy.kz saıtynyń qyzmetkerleri Abaı dańǵylynyń boıyndaǵy Jýrnalıser aleıasyna kóshetterdi sýarýǵa shyqty.
«Alataý Aqparat» qyzmetkerleri sý quıý estafetasyn Qazaqstan Jýrnalıser odaǵyna tapsyrdy.
«Ótken jyldyń kúzinde Alatay Aqparat JSHS qyzmetkerleri súıikti qalamyzdy kógaldandyrý aıasynda Abaı dańǵylynyń boıyna aǵashtar aleıasyn otyrǵyzdy. Ózderińiz biletindeı, bıyl jaz óte ystyq boldy, sondyqtan biz aǵashtarǵa sý quıaıyq dep sheshtik. Biz jasyl alqaptardy sýarý boıynsha chellendjdi bastadyq jáne estafetany áriptesimiz - Seıitqazy Beısenǵazyuly Mataevtyń jetekshiligindegi Jýrnalıser odaǵyna beremiz», - dedi «Alataý Aqparat» medıaholdınginiń bas dırektory Tólemis Kúlmuhamedov.
«Almaty aqshamy» aǵashtardy sýarý boıynsha chellendjdi «Qazaq úni» gazetine, «Vechernıı Almaty» «Novoe pokolenıe» gazetine usyndy.
«Byltyr kúzde aǵash otyrǵyzý naýqany bastalǵan kezde «Almaty aqshamy» gazetiniń redaksıasy Abaı dańǵylynyń boıyndaǵy myna aǵashtardy otyrǵyzǵan bolatynbyz. Bıyl myna aptap ystyqqa baılanysty aǵashtardyń kóbisi qýrap ketýdiń aldynda tur. Sondyqtan arnaıy chellendj uıymdastyryp, aǵashtarǵa sý quıyp, kútip-baptaý jumystaryn qolǵa aldyq. Chellendjimizdi jalǵastyrýdy «Qazaq úni» gazetine tabystaımyz. «Qazaq úni» gazeti ony qoldap, ári qaraı jalǵastyrady degen senimdemiz», - dedi «Almaty aqshamy» gazeti Bas redaktorynyń orynbasary Ánýarbek Islamhanuly.
Biz týǵan qalamyzdaǵy jasyl aǵashtardyń taǵdyryna beı-jaı qaramaıtyndardyń barlyǵyn bizdiń chellendjge qosylýǵa shaqyramyz. Ol úshin aýlańyzdaǵy, kóshelerdegi, jumys nemese oqý oryndaryndaǵy aǵashtarǵa nazar aýdarsańyz jetkilikti. Qazir ol aǵashtarǵa burynǵydan da kóbirek kútim qajet.