Qazaqstandyqtar WhatsApp kompanıasy atynan tegin 50 GB ınternet-trafık alý jónindegi nusqaýlyqpen bólisýde
Ol úshin paıdalanýshylarǵa portalǵa ótip, qysqa saýalnamadan ótý usynylady. Bul alaıaqtyq, dep habarlaǵan Stopfake.kz saıty.
WhatsApp kompanıasynan tegin 50 GB trafık alý týraly habarlama 2020 jyly jeliniń aǵylshyn tildi segmentinde keńinen taraǵan. Ony teksergen fatkchekerler mundaı habarlamalar feık bolyp tabylady degen qorytyndy jasady, dep habarlaıdy Almaty-akshamy.kz
Habarlamalardyń feık ekendigin aqysyz trafık alý úshin saýalnamadan ótýge arnalǵan siltemeden baıqaýǵa bolady. WhatsApp saıtynda kompanıanyń barlyq resmı habarlamalary portalda jarıalanatyny, onyń mekenjaıy whatsapp.com dep bastalatyny aıtylǵan.
Saýalnama paraqshasyna aparatyn silteme ldivipvi3.xyz-ten bastalady.
«Biz paıdalanýshylardyń derbes derekterin alý úshin onlaın-saýalnamalardy paıdalanatyn alaıaqtar týraly birneshe ret jazǵan bolatynbyz. Alaıaqtyqtyń bul túri fıshıng dep atalady», - delingen habarlamada.