Qala ákimi 2 mlrd teńgeniń qaladaǵy joly sapasyz aýdandarǵa qaıta bólinetinin aıtty
Erbolat Dosaev Almatyda halyq sanynyń ósýi men joǵary maıatnıktik kóshi-qon aıasynda kólik, áleýmettik, turǵyn úı jáne ózge de ınfraqurylymdy damytý máselesi erekshe ótkir turǵanyn atap ótti, dep habarlaıdy Almaty-akshamy.kz Almaty.tv-ǵa silteme
Jańa Almatyny keshendi damytý jospary aıasynda keminde 100 shaqyrym jańa jol salynady.
«Ál-Farabı dańǵylynyń Úlken Almaty aınalma jolynan Saın kóshesine deıingi aralyqtaǵy aýmaǵyn ortasha jóndeýge josparlanǵan 2 mıllıard teńgeni qaladaǵy sapaly joly joq nemese jol tósenishi sapasyz aýdandardyń jol qurylysyna qaıta bólý týraly sheshim qabyldaǵanymdy málimdeımin. Rezervterdi izdestirý jumystary jalǵasady», - dep atap ótti Erbolat Dosaev.
2022 jyly qaladaǵy 2 jol aıryǵyndaǵy jáne Áýezov kóshesin uzartý jumystary aıaqtalady.
«Osy jyldyń mamyr aıynda josparlanyp otyrǵan 2 metrostansıasynyń iske qosylýy jolaýshylar aǵynyn kúndelikti 30-dan 86 myń adamǵa deıin arttyrady», - dedi shahar basshysy.