Bul málimetti Ranking taldaý agenttigi jarıalady.
Bıyl, 21 shildedegi aqparat boıynsha, óńir ákimderiniń ortasha jasy 52,2 jasty qurap otyr, dep habarlaıdy Almaty-akshamy.kz
Eń jasy úlken ákim Shyǵys Qazaqstan oblysyn basqarady, ol Danıal Ahmetov. Ákim 68,1 jasta. Onyń oblysty basqarý ótili - jeti jyl jáne jeti aı (eń uzaq merzim). Óńir basshysy qyzmetine 60 jasynda taǵaıyndalǵan.
Odan keıin jańadan qurylǵan Jetisý oblysynyń ákimi Beıbit Isabaev (59,6 jas) jáne Aqtóbe oblysynyń ákimi Ońdasyn Orazalın (58,7 jas).
Óńir ákimderiniń eń jasy – Murat Áıtenov (40,7 jas), respýblıkalyq mańyzy bar Shymkent qalasyn basqarady. Ol bul qyzmetke 38 jasynda keldi, qalany eki jarym jyldan beri basqarýda.
Sondaı-aq jas ákimderdiń arasynda Atyraý oblysynyń basshysy Serik Shápkenov (43 jas) pen elorda ákimi Altaı Kólginov (44,5 jas) bar.
