Amerıkandyq APEX qaýymdastyǵy (Airline Passenger Experience Association) eń joǵary reıtıńi bar Triplt týrısik qosymshasymen birge Air Astana áýekompanıasyn «Ortalyq Azıadaǵy eń jaqsy oıyn-saýyq júıesi jáne borttyq taǵamdar men sýsyndar» nomınasıasynda marapattady. Marapattaý rásimi 2022 jyldyń 8 maýsymynda Dýblınde ótti, dep habarlaıdy Almaty-akshamy.kz.
Qosymsha búkil álem boıynsha 600 áýe kompanıasynyń mıllıonnan astam reısin qamtıtyn jolaýshylarǵa táýelsiz pikirlerin jınady. Jolaýshylar áýetasymaldaýshylardy bes baldy shkala boıynsha 5 parametr boıynsha baǵalady: kreslolar jaılylyǵy, borttaǵy qyzmet kórsetý, tamaq pen sýsyndar, oıyn-saýyq júıesi jáne wi-fi qyzmeti.
Elena Obýhova, Air Astana Borttyq qyzmet kórsetý jónindegi vıse-prezıdenti: «Bedeldi APEX syılyǵyn alý bizdiń áýekompanıanyń úzdiksiz jetilý men damýǵa degen umtylysyn kórsetedi. Jolaýshylar reıtıńiniń táýelsizdigi marapatqa odan da kóp mán beredi jáne biz olardyń pikirleri úshin alǵys aıtamyz».
APEX – áýe kóligindegi qyzmet kórsetý sapasyn zertteýge jáne jaqsartýǵa arnalǵan halyqaralyq komersıalyq emes uıym. APEX syılyǵyn táýelsiz aýdıtorlyq kompanıa sertıfıkattaıdy. 2018 jyl men 2020 jyl arasynda «Eır Astana» «İri áýekompanıalar» sanatyndaǵy 5 juldyzdy APEX syılyǵymen úsh ret marapattaldy.