Nárestelerge Aqjúrek, Aqnıet, Qasıet degen esim berildi.
Túrkistan oblysynda jyl basynan beri úshinshi úshem dúnıege keldi, dep habarlaıdy Almaty-akshamy.kz
Tólebı aýdany, Leńgir qalasynyń 36 jastaǵy turǵyny Aqbota Qudaıbergenova eki qyz, bir ul bosandy. Sábıler búginge deıin perınıtaldyq ortalyq dárigerleriniń baqylaýynda bolǵan. Qazir ana men náresteniń jaǵdaıy birqalypty. Otaǵasy Temirbek Tájıev qurylys salasynda eńbek etse, otanasy Aqbota Qudaıbergenova mektepke deıingi bilim berý mekemesinde jumys isteıdi. Buǵan deıin eki uly men bir qyzy bar otbasy birden 6 balaly bolyp, qýanyshqa kenelip otyr.
Eki kún buryn Túrkistan oblysynda 23 jastaǵy ana úshem bosanǵan bolatyn. Úsh qyzǵa Raıana, Razıa, Raıhana esimi berilgen.